28 Avril–4 Mai
BINGANA 11
Nzimbu 90 mpe lusambu | Mambu yina beto ke longoka (Min. 1)
1. Kuzonza ve yawu!
(Min. 10)
Kuzonza ve mambu yina ke lwalisa “mpangi” ya nge (Bin 11:9; w02-F 15/5 26 § 4)
Kuzonza ve bamambu yina ke katula bumosi (Bin 11:11; w02-F 15/5 27 § 2-3)
Kubasisa ve mansweki ya ngana (Bin 11:12, 13; w02-F 15/5 27 § 5)
YINDULA NA MAMBU YAYI: Wapi mutindu bamambu yina Yesu zonzaka na Luke 6:45 lenda sadisa beto na kuzonza ve bamambu ya yimbi?
2. Matadi ya ntalu ya kimpeve
(Min. 10)
-
Bin 11:17—Samu na yinki ya ke mbote na beto na kuvanda na ntima ya mbote? (g20.1-F 11, encadré)
-
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?
3. Kutanga Biblia
(Min. 4) Bin 11:1-20 (th-F kileso 5)
4. Kubanda masolo
(Min. 4) KUSAMUNA NTANGU BETO KE NA SALAKA BAMAMBU YA BETO YA BILUMBU NYONSO. Sosa kuzwa ntangu ya mbote samu na kuzonzila muntu bamambu yina nge me longoka na lukutakanu yina me luta. (lmd kileso 2 dikanisi 4)
5. Kuvutukila kutala muntu
(Min. 4) KUSAMUNA NTANGU BETO KE NA SALAKA BAMAMBU YA BETO YA BILUMBU NYONSO. Lakisa video mosi yina ke na kati ya Bima ya kusadila samu na kulonga. (lmd kileso 8 dikanisi 3)
6. Kukumisa bantu bilandi
(Min. 4) KUSAMUNA BISIKA YINA BANTU KE MINGI. Sosa kubanda kulongoka Biblia na muntu mpe lakisa yandi mutindu ya ke salamaka. (lmd kileso 10 dikanisi 3)
Nzimbu 157
7. Losa nzonzolo yina ke bebisaka kizunu
(Min. 15) Disolo.
Samu ti beto ke bantu ya masumu, beto lenda zonza bamambu yina lenda bwisa kimunu ya bampangi. (Zaki 3:8) Kasi, kukanisa na mantwala na bamambu ya mpasi yina nzonzolo ya beto lenda nata, ya ke sadisa beto na kuzonza ve bamambu yina beto ke nyonga na mantwala. Yayi ke mwa bamambu yina lenda bebisa kizunu na kimvuka:
-
Matalana. Ya ke ntangu muntu ke pesaka nkembo na yandi mosi. Ya lenda nata bantu ya nkaka na kusala mutindu mosi mpe kusosa kuzwa bima ya bampangi.—Bin 27:2
-
Luvunu. Ya ke ve kaka kuzonza bamambu yina bantu ya nkaka ke tala ti, beto ke na zonza ve matsyelaka. Kasi ya ke mpe kuzonza bamambu yina ke nata muntu ya nkaka na kukanisa ti ya ke tsyeleka kasi na yintu ya beto ya ke luvunu. Ata luvunu ya fioti lenda sala ti bampangi tudila dyaka ve beto ntima mpe ya lenda bebisa nkumbu ya beto.—Ekl 10:1
-
Kutonga bampangi. Kuzonza bamambu ya luvunu na yina me tadila bantu mpe luzingu ya bawu to kuzonza mansweki ya ngana. (1Tim 5:13) Ya ke salaka ti bumosi vanda dyaka ve mpe ya ke nataka na kuswana
-
Kuzonza na nkele. Ya ke kuzonza bamambu ya ngolo na muntu yina me pesa beto nkele. (Efe 4:26) Ya lenda lwalisa ntima ya muntu.—Bin 29:22
Lutisa VIDEO “Katula” bifu yina ke bebisá kizunu—Ndambu ya video. Na manima yufula kyuvu yayi:
-
Yinki nge me longoka na mutindu yina nzonzolo ya beto lenda bebisa kizunu ya kimvuka?
Tala video “Sosa kizunu mpe tatamana na kutunga yawu” samu na kutala mutindu nge lenda vutula kizunu.
8. Kulongoka ya Biblia ya kimvuka
(Min. 30) bt-F kikapu 25 § 14-21
