Beto metonda nge mingi na mutindu nge mebaka ntangu ya kutadila mua mukanda yayi samu nge zaba beto Bambangi ya Yehova mbote, mambu yina beto kesalaka, mpe mutindu nkubukulu ya beto ketambudilaka. Beto kele na kivuvu ti mua mukanda yayi mesadisa nge nge tala ti beto kele tsyeleka bantu yina kena kusadila luzolo ya Yehova bubu yayi. Beto mekindisa nge nge tatamana kubaka nzayilu ya Nzambi, nge zabisa bantu ya dibuta ya nge mpe bankundi ya nge mambu yina nge kena kulonguka, mpe nge kutakanaka mbala na mbala na beto na balukutakanu na beto.​—Baebre 10:23-25.

Ntangu nge kena kutatamana kulonguka mambu metala Yehova, nge ketala ti yandi kezolaka nge mingi. Yau ketumisa nge nge sala nyonso samu nge lakisa ti nge mpe nge kezolaka yandi. (1 Yoane 4:8-10, 19) Kansi wapi mutindu nge lenda lakisa na luzingu na nge ya kilumbu na kilumbu ti nge kezolaka Nzambi? Samu na yinki minsiku na yandi kele samu na mambote ya nge? Mpe yinki kesadisa nge kesepela kusadila luzolo ya Nzambi kintuadi na beto? Muntu yina kelongukaka na nge Biblia kesepela kulakisa nge bamvutu samu nge na dibuta na nge beno ‘bikana na kati ya luzolo ya Nzambi, . . . samu na luzingu ya mvula na mvula.’​—Yude 21.

Samu nge lemba ve na kulanda nzila ya matsyeleka, beto me lomba na nge na kulongoka mpe buku “Restez dans l’Amour de Dieu” .