Nzambi zola beto zinga na kizunu mpe na kiese ntangu nyonso na paradiso awa na ntoto!

Kansi nge lenda kikuyufusa mutindu yayi: ‘Wapi mutindu yau lenda salama?’ Biblia metuba ti ni Kimfumu ya Nzambi kesala yau, mpe luzolo ya Nzambi kele ti bantu nyonso bazaba Kimfumu yango mpe mambu yina yau kesadila beto.​—Nkunga 37:11, 29; Izaya 9:7.

Nzambi zola beto vuanda na luzingu ya mbote.

Mutindu tata ya luzolo kezolaka ti bana na yandi vuanda mbote, Tata ya beto na mazulu yandi mpe zola beto vuanda na kiese ntangu nyonso. (Izaya 48:17, 18) Yandi mezonza ti muntu nyonso yina kesala luzolo ya Nzambi “yandi kezinga mvula na mvula.”​—1 Yoane 2:17.

Nzambi zola beto tambula na banzila na yandi.

Biblia metuba ti Mvangi na beto kezolaka ‘kulonga beto’ banzila na yandi samu beto ‘tambula na yau.’ (Izaya 2:2, 3) Yandi mekubika ‘kimvuka mosi ya bantu samu na nkumbu na yandi,’ samu batubila luzolo na yandi na yinza ya mvimba.​—Bisalu 15:14.

Nzambi zola beto sambila yandi na bumosi.

Nsambudulu ya kuvedila ya Yehova kekabulaka bantu ve; yau kevukisaka bau na luzolo ya kedika. (Yoane 13:35) Bubu yayi, banani kena longa bantu nyonso na bisika nyonso mutindu ya kusadila Nzambi na bumosi? Beto melomba nge nge baka mvutu na mua mukanda yayi.