BAMPANGI YINA KE NA YAMBÁ BETO: Bampangi yina ke na yambá beto, ke kuna samu na kusadisa beto. Mulemvo, beto landa yina ba ke zonzila beto, na yina me tadila bisika ya kutula bakaminion, bisika ya kuvanda, to mambu ya nkaka.

BATEME: Ba yina ke kuzwa bateme, ke vanda na bisika yina ba me bumbila bawu na mantwala ya estrade. Bakandida ya bateme ke kwenda vanda na bisika yango samedi na suka avant diskur ya bateme banda. Kandida nyonso zolá vanda na serviete ya yandi, mpe bilele yina ke kangá mbote-mbote nzutu.

BA YINA ZOLA KUSALA: Si nge zola kuvanda mosi ya ba yina ke sala na lukutakanu yayi, kwenda pesa nkumbu ya nge na servise “volontaires”.

BIMA YINA ME ZIMBANA: Si nge me lokota kima, mpe nge zaba ve muntu ya yawu, kwenda bika yawu na servise ya bima yina me zimbana. Si nge me zimbisa kima, kwenda na Service yango, mpe zonza na bawu kima yina nge me zimbisa. Servise yayi zolá bumba mpe bana yina me zimbana. Kasi, samu mambu ya faso yayi salama ve, nge zolá zaba ntangu nyonso yinki bana ya nge ke na salá, mpe kisika ba kele.

BISIKA YA KUVANDA: Zitisa bantu ya nkaka. Kuzimbana ve ti, nge lenda bumba bisika ya kuvanda kaka samu na dikanda ya nge, ba yina me kwiza na nge, ba yina ke yinzo mosi na nge, mpe ba yina ke longoká Biblia na nge. Mulemvo, beno tula ve bima na bisika yina beno ke vandila ve.

LOPITAL YA FIOTI: Lopital ya fioti ke kaka samu na na ba yina ke na nsatu ba sadisa bawu na mbangu (cas urgent).

MAKABU: Ya me lomba mbongo mingi na kubongisa bisika yina beto ke ya kuvanda, bavideo, bamicro, na baservise ya nkaka. Nyonso yayi me salama, samu beto landa mbote- mbote, programe ya lukutakanu ya nene yayi, yina ke kumisa beto pene-pene na Yehova. Ni makabu ya beno me sadisa na kubongisa lukutakanu ya nene yayi, mpe ya ke sadisa kisalu ya predikasion na yinza nyonso. Na yawu, ya ke na babwate na bisika mingi, yina nge lenda tula dikabu ya nge. Nge lenda sala mpe dikabu na internet na donate.pr418.com. Makabu nyonso, ya vanda ya mingi to ya fioti ke mfunu mingi. Bampangi ya kimvuka ya bantwadisi (Collège Central), me tonda beto mingi na makabu ya beto.

Lekole yina ba me bokila “École pour Évangélisateurs du Royaume”: Bapionier yina ke na bamvula 23 tii 65, yina ke na nsatu ya kusala mingi na kisalu ya predikasion, ba me bokila bawu na réunion ya lekole yayi, na kilumbu ya Dimanche na manima ya midi. Ba ke zonzila kisika mpe ntangu yina ya ke salama.