BAMPANGI YINA KE YAMBA BETO Bampangi yina ke yamba beto, ke vanda kuna samu na kusadisa beto. Mulemvo, beto landa yina ba ke zonzila beto, na yina me tadila bisika ya kutula ba voitures, bisika ya kuvanda, mpe mambu ya nkaka.

MBOTOKOLO Ba yina ke kuzwa mbotokolo, ke vanda na bisika ya mantwala yina ba me bumbila bawu. Ba ke kwenda vanda na bisika yango samedi na suka, tii ntangu discours ya mbotokolo ke manisa. Ba yina ke kuzwa mbotokolo, zola vanda na serviette, mpe na bilele yina ke kanga mbote-mbote nzutu ntangu mbotokolo ke salama.

MAKABU Ya me lomba mbongo mingi na kubongisa bisika yina beto ke ya kuvanda, kuyidika bamambu samu beto landa mbote-mbote lukutakanu ya nene yayi, mpe bima ya nkaka. Nyonso yayi ke sadisa beto na kukuma pene-pene na Yehova. Ni makabu ya beno me sala ti lukutakanu yayi simba. Ya ke sadisaka mpe na kutula diboko na bisalu yina ke na salamaka na yinza nyonso. Na yawu, ya ke na ba boîtes na bisika mingi, yina nge lenda tula dikabu ya nge. Nge lenda pesa mpe dikabu na nzila ya internet. Samu na kusala yawu, kota na donate.pr418.com. Makabu nyonso, ya vanda ya mingi to ya fioti ke mfunu mingi. Bampangi ya Kimvuka ya Bantwadisi ke na vutulaka beno matondo mingi na nyonso yina beno ke na salaka samu bisalu ya Kimfumu kwenda na mantwala.

KISIKA YINA NGE LENDA KWENDA KANA NZUTU YA NGE KE VE MBOTE Kisika yango ke kaka samu na kusadisa nge kana nge ke na nsatu ya lubakusu ya mbangu-mbangu samu na mavimpi.

BIMA YINA ME ZIMBANA MPE BA ME TALA YAWU Kana nge me lokota to nge me zimbisa kima, kwenda tala bampangi yina ke na service yayi. Mpe samu na kubaka kima yina nge me zimbisa, nge me lunga kuzonza na bawu yinki ya kele. Kana nge me tala mwana yina ke na zabaka dyaka ve kisika yina bibuti ya yandi kele, nata yandi na bampangi ya service yayi. Bibuti, samu na kukima bamambu yina lenda sala ti beno vanda yintu na zulu, beno yidika bamambu samu na kuzaba ntangu nyonso kisika yina bana ya beno kele mpe yina ba ke na salaka.

BISIKA YA KUVANDA Zitisa bantu ya nkaka. Beto zimbana ve ti beto lenda bumba bisika kaka samu na dikanda ya beto, ba yina me kwiza na beto, ba yina ke yinzo mosi na beto, mpe ba yina ke longokaka Biblia na beto. Mulemvo ya beno, beto tula ve bima na bisika yina beto ke vandila ve.

BA YINA KE NA NSATU YA KUTULA DIBOKO Kana nge zola kuvanda mosi ya ba yina ke na nsatu ya kutula diboko na bisalu ya lukutakanu yayi, kwenda pesa nkumbu ya nge na service des renseignements et des volontaires.