“Nzambi . . . ke kusuna mansangasa nyonso yina kele na meso ya bawu, bantu ke kufwa dyaka ve, ke vwanda dyaka ve na mawa, ke dila dyaka ve, to ke tala dyaka ve mpasi.”​—Luzabusu 21:3, 4, Ngwisani ya malu-malu.

Yawu kele na kupesa beto kiminu ti bampasi ya beto me katuka na Nzambi ve.​—Zaki 1:13.

Yawu kele na kupesa beto ngolo na kuzaba ti Nzambi ke talaka kyadi ya beto ntangu bampasi ke kumilaka beto.​—Zaki 2:8.

Yawu kele na kupesa beto kivuvu ti bampasi ke zimbana.​—Nkunga 37:9-11.

Ee, samu na mambu ata zole:

• Nzambi ke yinaka bampasi mpe mambu ya kulunga ve. Tala mutindu Yehova vwandaka kuwa na ntima ntangu bawu vwandaka kunyokola bisadi ya yandi na ntangu ya ntama. Biblia ke zonzaka ti Yehova kufulukaka na kyadi samu na “bayina vwandaka kutadisa bawu mpasi.”​—Bazuzi 2:18, Traduction du monde nouveau.

  Nzambi ke yinaka bayina ke salaka bantu yimbi. Na kifwani, Biblia ke zonzaka ti “maboko yina ke mwangisaka menga ya muntu yina me sala yimbi ve,’’ Nzambi ke yinaka yawu.​—Bingana 6:16, 17.

• Nzambi ke talaka kyadi ya mosi na mosi na kati ya beto. “Muntu na muntu ve kaka mezaba bankwamusu mpe bampasi ya yandi” Yehova mpe me zaba yawu!​—2 Bansangu 6:29, 30.

  Na nzila ya Kimfumu ya yandi, Yehova ke tula nsuka na bampasi ya muntu nyonso. (Matayi 6:9, 10) Tete Yehova sala yawu, yandi kele na kukatula kyadi na bayina kele na kusosa yandi na ntima mosi.​—Bisalu 17:27; 2 Bakorinto 1:3, 4.