KITINI 14
Wapi mutindu nge lenda lakisa kukangama na Yehova?
Vwanda na kisika ya Yehova. 1 Piere 5:6-9
Losa bandiatulu yina kewisanaka ve na Biblia.Yawu kelomba ti nge vwanda na boma ve.
Kukota ve mambu ya politiki; yawu kepesaka ve nkembo na Yehova mpe na Kimfumu ya yandi.
Sola mambu ya mbote—kuwa Nzambi. Matayi 7:24, 25
Kwenda vukanaka na Bambangi ya Yehova; bawu kebakisa nge na kukuma penepene na Nzambi.
Kubika ve kulongoka mambu ya Yehova mpe sala ngolo na kutumama na misiku ya yandi.
Ntangu kiminu ya nge kekuma ngolo, nge fwana kupesa luzingu ya nge na Yehova mpe nge kuzwa batisimo.—Matayi 28:19.
Kuwaka Nzambi. Tangaka Biblia mpe lomba na Bambangi ya Yehova babakisa nge na kuzaba mbote Biblia. Na manima, sadila bamambu yina nge kele na kulongoka na kati ya Biblia. Kana nge sadila yawu, nge ke zinga ntangu nyonso.—Nkunga 37:29.
Beno tala mpe...
MAMBU YINA ME TADILA BETO
Lomba ba kwiza tala nge
Kusolola na kyuvu mosi ya Biblia, to kusosa kuzaba mingi na yina me tadila Bambangi ya Yehova.
MAMBU YINA ME TADILA BETO
Kwiza na lukutakanu mosi
Tala mwa bamambu na yina me tadila balukutakanu ya beto. Sosa kisika yina balukutakanu ya beto ke salamá pene-pene na kisika yina nge kele.
