KITINI 9
Wapi ntangu ntoto kekuma Paradiso?
Bamambu nyonso ya yimbi yina kele na kusalama awa na ntoto kele na kulakisa ti ntama mingi ve, Kimfumu ya Nzambi kesala kisalu. Luke 21:10, 11; 2 Timote 3:1-5
Biblia zonzilaka bamambu yina kele na kuluta bubu yayi. Yawu zonzaka ti bantu kezola mbongo, bana kemanga kutumama babibuti ya bawu, bantu kevwanda na ntima ya imbi mpe bawu kezola mikembo ya yinza.
Biblia buelaka diaka ti ntoto keningana na ngolo mingi, kekuvwanda bamvita, bansatu mpe bimbevo ya nene. Ni yawu kele na kusalama na ntangu yayi.
Yesu zonzaka diaka ti nsangu ya mbote ya Kimfumu ya Nzambi kelongama na ntoto nyonso.—Matayi 24:14.
Kimfumu ya Nzambi kezimbisa mambu nyonso ya imbi. 2 Piere 3:13
Ntangu fioti mebikana, Yehova kekufwa bantu nyonso ya imbi.
Yehova kekufwa Satana na mikuyu.
Bayina kekuwaka Yehova kezinga na yinza ya malumalu mpe ya lunungu, kisika yina bantu kevwanda diaka na boma ve, kevwanda na kivuvu na bampangi mpe kezolana.
Beno tala mpe...
MABUKU& MUA MABUKU
Yinki yina Kimfumu ya Nzambi?
Ntangu Yesu vuandaka awa na ntoto, yandi monisaka na bunkufi yina Kimfumu ya Nzambi kesala samu na bantu.
MABUKU& MUA MABUKU
Ba mpasi ke zimbana?
Biblia ke zonza ti Nzambi ke yinaka yimbi mpe tsyeleka yandi ke na kiadi ya bantu . Yinki yawu zola zonza samu na nge?
