Masolo ya Biblia yina ke zonzilaka yawu:

• 1Mf 19:1-18​—Ntangu ba vanda nyokola mbikudi Eli, yandi zonzaka na Yehova bamambu yina vandaka na yandi na ntima, mpe Yehova kindisaka yandi mpe katulaka yandi kyadi

• Bis 7:9-15​—Bayaya ya Yozefi nyokolaka yandi, kasi Yehova bikaka ve yandi, yandi vuukisaka Yozefi mpe yandi sadilaka Yozefi samu na kuvuukisa dikanda ya yandi

Masolo ya Biblia yina ke zonzilaka yawu:

• 2Mf 18:17-35​—Rabshake, nzonzi ya mfumu ya Asiria fingaka Yehova mpe sekaka bantu ya Yeruzalemi

• Lk 22:63-65; 23:35-37​—Bantu yina vanda nyokola Yesu fingaka yandi mpe sekaka yandi ntangu ba kangaka yandi mpe ntangu yandi vandaka na zulu ya yinti ya mpasi

Masolo ya Biblia yina ke zonzilaka yawu:

• Bis 7:57–8:1​—Ntangu bantu mingi na Sawule mpe na kati vukanaka samu na kufwa Etiene, Etiene lombaka Yehova na kulemvokila bantu yina nyokolaka yandi

• Bis 16:22-34​—Ntangu ba bulaka Polo bashikoti mpe ba kangaka makulu ya yandi na bayinti ya nene, yandi lakisaka ntima ya mbote na mukengi ya boloko. Ya salaka ti mukengi na bantu nyonso ya dikanda ya yandi kuma bandimi

Masolo ya Biblia yina ke zonzilaka yawu:

• 2Ns 32:1-22​—Ntangu mfumu Senakeribi kwizaka na basoda mingi samu na kunwanisa bantu ya Yeruzalemi, mfumu Ezekiasi tulaka ntima ya yandi na Yehova mpe kindisaka dikanda ya Nzambi. Yehova pesaka yandi difuta samu na yawu

• Ebr 12:1-3​—Bantu yina nyokolaka Yesu sosaka kufwisa yandi nsoni, kasi Yesu bikaka ve ti ya lembisa yandi

Masolo ya Biblia yina ke zonzilaka yawu:

• Yb 1:6-22; 2:1-10​—Ata ti Yobi zabaka ve ti ni Satana vanda nyokola yandi, yandi bikanaka ya kukangama na Yehova. Kukangama ya yandi pesaka Yehova lukumu mpe ya lakisaka ti Satana ke muntu ya luvunu

• Da 1:6, 7; 3:8-30​—Hanania, Mishaele, mpe Azaria (Shadraki, Meshaki, mpe Abedinego) ndimaka ba kufwa bawu na kisika ya kusala mambu yina Yehova ke niminaka. Ya salaka ti mfumu Nebukadenezare yina vanda sambila ve Yehova, pesa Yehova nkembo na mantwala ya bantu mingi

Masolo ya Biblia yina ke zonzilaka yawu:

• Bis 11:19-21​—Ntangu Bakristo mwanganaka samu ba vanda talisa bawu mpasi, ba nataka nsangu ya mbote na bisika mingi

• Flp 1:12, 13​—Ntumwa Polo vandaka na kilengi na yina bantu mingi kuwaka nsangu ya mbote samu yandi vandaka na boloko

Masolo ya Biblia yina ke zonzilaka yawu:

• Bis 19:24-29​—Na bwala ya Efeze, bantu ya nkaka yina vanda yidikaka biteki talaka ti nsangu yina Bakristo vanda samuna zola bwisa mumbungu ya bawu. Na yawu, ba bandaka kukwamisa Bakristo

• Ga 1:13, 14​—Tekila yandi kuma mukristo, ntumwa Polo (Sawule) vanda kwikila mingi na malongi ya dibuundu ya Bazwife. Ni yawu nataka yandi na kunyokola Bakristo