Masolo ya Biblia yina ke zonzilaka yawu:

• Kub 22:2; 24:1-4​—Abrahami vanda zolaka mingi mwana ya yandi Izaki mpe yandi kwendaka tii na kusala nyonso samu mwana ya yandi kwelana na muntu yina vanda sadilaka Yehova

• Mt 13:55; Mr 6:3​—Bantu vanda bokila Yesu “mwana ya kisadi-mabaya” mpe “kisadi-mabaya.” Na yawu, beto lenda zonza ti Yozefi longaka Yesu kisalu ya kisadi-mabaya

Masolo ya Biblia yina ke zonzilaka yawu:

• Oz 11:1, 4​—Na mutindu yina yandi bakilaka bana ya yandi, Yehova lakisaka ti kisalu ya batata ke mfunu mingi na meso ya yandi. Yandi vanda longa dikanda ya yandi mpe yandi kipeke bansatu ya bawu na luzolo nyonso kaka mutindu batata ke salaka yawu samu na bana ya bawu

• Lk 15:11-32​—Yesu lakisaka ti yandi vanda zitisa batata na disolo yina yandi zonzilaka Yehova mutindu Tata ya luzolo yina ke lemvokilaka ba yina me sala disumu kasi me balula ntima