Masolo ya Biblia yina ke zonzilaka yawu:

• Lon 12:1-8​—Mfumu Salomoni sadilaka bifwani samu na kuzonzila bimbevo yina ke kwizaka ntangu bantu ke nunaka. Yandi zonzaka ti biboba ke talaka dyaka ve mbote (‘bakento yina ke talaka na banela ke talaka mpimpa na ngaanda’) mpe ba ke kuwaka dyaka ve mbote (‘bana ya bakento nyonso yina ke yimbaka nkunga me lemba’)

Masolo ya Biblia yina ke zonzilaka yawu:

• 1Sa 12:2, 23​—Ntangu yandi nunaka, mbikudi Samuele zabaka ti ya vandaka mfunu mingi ti yandi bika ve kusambila samu na dikanda ya Nzambi

• 2Sa 19:31-39​—Mfumu Davidi sosaka kusala kima samu na kuvutula matondo na Barzilayi, bakala mosi ya kununa. Samu Barzilayi vandaka ya kukuluka, yandi zonzaka na Davidi ti yandi vandaka ve na ngolo ya kusadila yandi na Yeruzalemi

• Nku 71:9, 18​—Davidi vandaka na boma ti yandi ke vanda dyaka ve mfunu na kisalu ya Yehova ntangu yandi ke nuna, mpe yandi bondilaka Yehova na kusadila kaka yandi mpe kupesa yandi ngolo ya kuzonzila nkumbu ya yandi na ba yina zola kwiza na manima

• Lk 2:36-38​—Yehova sakumunaka mbikudi ya kento, Ana, yina vandaka kiboba mpe mufwidi, samu yandi vandaka ya kukangama na yandi

Masolo ya Biblia yina ke zonzilaka yawu:

• Kub 12:1-4​—Ntangu yandi vandaka na bamvula 75, Yehova pesaka Abrahami kisalu yina lombaka ti yandi bika bwala ya yandi mpe yandi vutuka dyaka ve kuna

• Da 10:11, 19; 12:13​—Ntangu Danyele vandaka na bamvula kuluta 90, Yehova filisaka mbazi mosi na kukwenda zonza na yandi ti yandi vandaka mfunu mingi samu na Yehova mpe ti Yehova ke pesa yandi dikabu

•  Lk 1:5-13​—Yehova sakumunaka Zakari na Elizabete ntangu yandi salaka kimangu samu ba buta mwana ya bakala na buboba ya bawu

• Lk 2:25-35​—Yehova pesaka mbuta Simeyone bweso ya kutala mwana yina zola kuma Masiya mpe yandi nataka Simeyone na kubikula mambu na yina me tadila mwana yango

• Bis 7:23, 30-36​—Mbikudi Moyize vandaka na bamvula 80 ntangu Yehova pesaka yandi kisalu ya kutwadisa dikanda ya yandi, Izraele

Masolo ya Biblia yina ke zonzilaka yawu:

• Kub 45:9-11; 47:12​—Yozefi zonzaka ti ba nata tata ya yandi Yakobi samu ba vanda kisika mosi, mpe yandi kipeke Yakobi tii ntangu yandi kufwaka

• Ru 1:14-17; 2:2, 17, 18, 23​—Rute sadisaka Naomi, kento mosi ya kununa mpe kindisaka yandi

• Yn 19:26, 27​—Ntangu Yesu vanda kufwa na zulu ya yinti ya mpasi, yandi lombaka Yoane, ntumwa yina yandi vanda zolaka mingi, na kukipe mama ya yandi Maria, yina nunaka