Masolo ya Biblia yina ke zonzilaka yawu:

• 2Ns 26:3-5, 16-21​—Mfumu Uziya kumaka na lunangu. Yandi salaka mambu yina Yehova niminaka mpe yandi dasukaka ntangu ba sembaka yandi. Yehova pesaka yandi maladi ya bwazi

• Lk 18:9-14​—Yesu pesaka kifwani yina lakisaka faso Yehova ke talaka lusambu ya bantu yina ke na lunangu mpe ya bantu ya kukuluka

Masolo ya Biblia yina ke zonzilaka yawu:

• 2Ns 12:5-7​—Mfumu Rehobohami mpe bamfumu ya Yuda kulukaka na mantwala ya Yehova mpe balulaka ntima. Na yawu, Yehova kufwaka ve bawu

• 2Ns 32:24-26​—Mfumu ya mbote Ezekiasi kumaka na lunangu kasi ntangu yandi kulukaka, Yehova lemvokilaka yandi

Masolo ya Biblia yina ke zonzilaka yawu:

• Kub 33:3, 4​—Yakobi lakisaka kukuluka mingi ntangu yandi kutanaka na mpangi ya yandi Ezawu yina vandaka na mambu na yandi. Ya salaka ti kizunu vutuka na kati-kati ya bawu

• Baz 8:1-3​—Zuzi Gideoni zonzaka na bantu ya Efrayime ti ba salaka bamambu ya nene kulutila yandi mpe ya salaka ti ba vanda dyaka ve na nkele mpe ba nwanisa ve yandi

Masolo ya Biblia yina ke zonzilaka yawu:

• Iza 53:7; Flp 2:7, 8​—Mutindu bambikudi bikulaka yawu, Yesu vandaka ya kukuluka mpe yandi ndimaka kukwiza na ntoto mpe kufwa na mutindu ya mpasi mpe ya nsoni

• Lk 14:7-11​—Na kifwani yina yandi sadilaka, ya bakiti ya kisika ya mukembo, Yesu lakisaka ti kuvanda ya kukuluka ke mfunu mingi

• Yn 13:3-17​—Yesu longaka bilandi ya yandi na kuvanda ya kukuluka ntangu yandi sukulaka makulu ya bawu, kisalu yina bisadi vanda salaka