Masolo ya Biblia yina ke zonzilaka yawu:

• Nku 78:40, 41; 106:36-46​—Ata ti Yehova talaka ntima mpasi samu na bamambu ya yimbi yina dikanda ya yandi vanda salaka, yandi lemvokilaka bawu bambala mingi

• Lk 15:11-32​—Samu na kulakisa mutindu Yehova ke lemvokilaka, Yesu sadilaka kifwani ya tata yina lemvokilaka mwana ya yandi yina bikaka yinzo mpe yina balulaka ntima na manima

Masolo ya Biblia yina ke zonzilaka yawu:

• Ebr 9:22-28​—Ntumwa Polo lakisaka ti kaka ni menga ya Yesu ke salaka ti beto kuzwa mulemvo ya masumu

• Luz 7:9, 10, 14, 15​—Na kimona-meso mosi, Yoane talaka “nkonga ya nene ya bantu” yina me kuzwa mulemvo ya masumu ya bawu samu na kiminu ya bawu na munkayulu ya Yesu

Masolo ya Biblia yina ke zonzilaka yawu:

• Yb 42:7-10​—Tekila Yehova belusa Yobi mpe sakumuna yandi, yandi zonzaka na Yobi na kusambila samu na bandiku ya yandi tatu yina talisaka yandi mpasi na banzonzolo ya bawu

• Mt 18:21-35​—Yesu zonzilaka disolo mosi samu na kulakisa ti beto me fwana kulemvokila bampangi kana beto zola ti Yehova lemvokila beto

Masolo ya Biblia yina ke zonzilaka yawu:

• Nku 32:1-5; 51:1, 2, 16, 17​—Ntangu yandi salaka masumu ya nene, Davidi vandaka na mawa, ntima ya yandi vanda nyokwama, mpe yandi balulaka ntima na faso ya kulunga

• Zk 5:14-16​—Zaki zonzaka ti kana beto me sala disumu ya nene, beto me fwana kuzonzila yawu na bakuluntu

Masolo ya Biblia yina ke zonzilaka yawu:

• 1Mf 21:27-29; 2Ns 18:18-22, 33, 34; 19:1, 2​—Ntangu ba zonzaka na mfumu Ahabi ti Yehova zola semba yandi, Ahabi kulukaka mpe Yehova talaka yandi mawa. Kasi samu yandi lakisaka ti yandi balulaka ve ntima, Yehova lemvokilaka ve yandi mpe yandi kufwaka

• 2Ns 33:1-16​—Mfumu Manase salaka bamambu mingi ya yimbi. Kasi Yehova lemvokilaka yandi ntangu yandi balulaka ntima. Na manima, Manase lakisaka ti ya tsyeleka, yandi sobaka. Yandi salaka nyonso samu bantu ya Izraele sambila dyaka ve banzambi ya luvunu mpe ba vutukila kusambila Yehova

 Disolo ya Biblia yina ke zonzilaka yawu:

• 2Sa 12:13; 24:1; 1Mf 9:4, 5​—Ata ti mfumu Davidi salaka masumu ya nene, Yehova lemvokilaka yandi samu yandi balulaka ntima. Na manima, Yehova zonzaka ti Davidi vandaka ya kukwikama na yandi

Masolo ya Biblia yina ke zonzilaka yawu:

• Mt 26:36, 40, 41​—Ntangu Yesu vandaka na nsatu mingi ya lubakusu ya bandiku ya yandi, ba vanda lala. Ata mpila yina, Yesu zonzaka ti ba vandaka na nsatu na kusala bamambu ya mbote, kasi ba lendaka ve samu ba vandaka ya kulemba

• Mt 26:69-75; Lk 24:33, 34; Bis 2:37-41​—Piere mangaka Yesu bambala tatu, kasi Yesu lemvokilaka yandi samu yandi balulaka ntima. Na manima ya kuvumbuka ya yandi na lufwa, Yesu talanaka na yandi mpe pesaka Piere bisalu ya mfunu na kati ya kimvuka

Masolo ya Biblia yina ke zonzilaka yawu:

• Mt 23:29-33​—Yesu kebisaka Bafarize na milongisi ya Musiku ti kimvuka ya bawu ke kuzwa kitumbu ya Gehena, ya zola zonza lufwa ya ntangu nyonso

• Yn 17:12; Mr 14:21​—Yesu bokilaka Yuda Iskayote “muntu yina fwanaka zimbana” mpe yandi zonzaka ti ya vandaka mbote na yandi na kubutuka ve