Masolo ya Biblia yina ke zonzilaka yawu:

• Lk 20:37, 38​—Samu na kulakisa ti ya tsyeleka bantu ya kufwa ke vutuka na luzingu, Yesu zonzaka ti ba kele moyo samu na Yehova

• Yn 11:5, 6, 11-14​—Ntangu Lazare kufwaka, Yesu zonzaka ti lufwa ke mutindu pongi

• Ebr 2:14, 15​—Ntumwa Polo zonzaka ti bantu mingi ke salaka bamambu samu ba ke na boma ya lufwa, kasi beto zola vanda ve mutindu bawu

Masolo ya Biblia yina ke zonzilaka yawu:

• Biblia ke zonzilaka bantu 8 yina ba vumbulaka na lufwa samu na kuzinga dyaka awa na ntoto, mpe muntu mosi, Yesu, yina Nzambi vumbulaka na lufwa samu na kuzinga na mazulu. Masolo ya bantu yayi ke pesaka ngolo mpe kivuvu na ba yina me fwidila bantu

  •  1Mf 17:17-24​—Na bwala ya Sarefati, mbikudi Eli vumbulaka na lufwa mwana ya bakala ya mufwidi mosi ya kento

  • 2Mf 4:32-37​—Na bwala ya Shunemi, mbikudi Elize vumbulaka mwana mosi ya bakala na lufwa mpe pesaka yandi na bibuti ya yandi

  • 2Mf 13:20, 21​—Bakala mosi yina kufwaka ntama mingi ve vutukaka na luzingu ntangu ba losaka mvumbi ya yandi pene-pene na mikwa ya mbikudi Elize

  • Lk 7:11-15​—Na bwala ya Nayini, Yesu kutanaka na bantu yina vanda kwenda zika mwana ya mufwidi mosi ya kento, mpe yandi vumbulaka mwana yango na lufwa

  • Lk 8:41, 42, 49-56​—Yesu vumbulaka na lufwa mwana ya Zayiruse ya kento

  • Yn 11:38-44​—Yesu vumbulaka na lufwa ndiku ya yandi Lazare, mpe Lazare vanda dyaka na bampangi ya yandi ya kento Marte na Maria

  • Bis 9:36-42​—Ntumwa Piere vumbulaka na lufwa Dorkase mpangi mosi ya kento yina ba zabilaka na bumbote ya yandi mpe kifu ya yandi ya kukabulaka

  • Bis 20:7-12​—Ntumwa Polo vumbulaka na lufwa Etishe, ntwenya mosi ya bakala yina kufwaka ntangu yandi kubwaka na nela

• Yehova vumbulaka Yesu na lufwa mutindu mpeve yina lenda kufwa dyaka ve mpe mvumbukulu yayi ke ndimisaka beto ti bansilulu nyonso yina Yehova pesaka beto ke lungana

  • Bis 17:31; 1Pi 3:18

• Yesu vandaka muntu ya ntete yina Yehova vumbulaka na lufwa samu na kukwenda zinga na zulu mpe yandi pesaka yandi luzingu yina lenda manisa ve. Ya ke mpe na bantu 144 000 yina ba me tula mafuta yina ke kuzwa mvumbukulu mosi na Yesu

  • 1Ko 15:20, 23, 51-53; 1Te 4:16, 17; Luz 14:1