KILESO 02
Biblia ke lakisá ti bamambu ke bonga na mantwala
Na yinza nyonso, bantu ke na nwaná na bamambu mingi yina ke salá ti ba vanda na kyadi, mpe ba tala mpasi. Nge mpe me kutaná na bamambu ya faso yayi? Ntangu ya nkaka nge ke na bimbevo yina ke na kwamisá nge, to nge ke ntete na dilá samu muntu yina nge vandá zola kufwaka. Mpe nge lenda yufula, ‘Luzingu yayi ke vanda kaka faso yayi?’ Biblia ke pesá mvutu yina ke pesa beto ngolo.
1. Yinki na kati ya Biblia ke na lakisá ti bamambu ke bonga?
Biblia ke zonzá samu na yinki yinza ke ya kufuluka na bamambu ya mpasi. Ya ke pesá mpe nsangu ya mbote na kuzaba ti na mwa ntangu fioti, Nzambi ke katula bamambu nyonso yayi. Bansilulu yina ke na kati ya Biblia lenda ‘pesa nge avenir mpe kivuvu.’ (Tanga Yeremia 29:11, 12.) Ya ke sadisa beto na kunwana na bamambu ya mpasi, na kuvanda na ngolo, mpe na kuvanda na kilengi yina ke manisá ve.
2. Biblia ke zonzá ti bilumbu ya mantwala ke vanda wa’ faso?
Biblia ke zonzá ti, na bilumbu yina ke kwiza “lufwa ke vanda dyaka ve, mawa, bidilu, mpe mpasi ke vanda dyaka ve.” (Tanga Luzabusu 21:4, nwt-MK.) Bamambu nyonso yina ke na manisá beto ngolo bubu yayi, faso bupovrete, injustice, bimbevo mpe lufwa, ke vanda dyaka ve. Biblia me lakisa ti, bantu ke tala kilengi ya luzingu ya ntangu nyonso awa na ntoto, ntangu ya ke kuma Paradiso.
3. Wa’ faso nge lenda kulisa kiminu ya nge na kivuvu yina Biblia ke pesá?
Bantu mingi ke zolá kuvanda na luzingu ya mbote, kasi ba zaba ve kana kivuvu yango ke lungana. Bansilulu yina Biblia ke pesá ke ve faso yina. Samu kiminu ya beto na Biblia vanda ngolo, beto zolá baka ntangu ya kulongoka Biblia mbote-mbote. (Bisalu 17:11) Kulongoka Biblia, ke sadisa nge na kundima to ve mambu nyonso yina ya ke zonzá samu na bilumbu yina ke kwiza.
SOSA KUZABA MBOTE-MBOTE
Tala ndambu ya mambu yina Biblia ke zonzá samu na bilumbu yina ke kwiza, mpe faso kivuvu yina Biblia ke pesá ke na sadisá bantu bubu yayi.
4. Biblia ke pesá kivuvu ya luzingu ya ntangu nyonso, na kisika yina bampasi ke vanda dyaka ve
Tala bansilulu yina ke na kati ya Biblia. Na nyonso yayi, wapi yina ke na sepelisá ntima ya nge? Mpe samu na yinki?
Tanga baverse yina ba me tula na nsuka ya mosi na mosi ya bansilulu yayi, mpe kuzwa bamvutu na byuvu yayi:
-
Nge me kanisa ti baverse yayi ke na pesá kwandi kivuvu? Ya lenda pesa mpe kivuvu na dikanda ya nge mpe na bandiku ya nge?
Kanisa ti nge ke na kati ya yinza yina
|
ATA MUNTU . . . |
MUNTU NYONSO . . . |
|---|---|
|
|
|
|
|
|
|
|
|
|
5. Kivuvu yina Biblia ke pesá lenda yidika luzingu ya nge
Bantu mingi me lemba mpe ke ya kufuluka na nkele samu na bamambu yina ba ke na talaka. Ba ya nkaka ke na nwaná na kusosa kuyidika bamambu samu ya bonga. Tala faso nsilulu yina Biblia ke pesá ti mambu ke bonga, ke na sadisá bantu bubu yayi. Tala VIDEO, mpe na manima beto zonzila byuvu yina ke landa.
-
Na kati ya video yayi, wapi injustice vandá kwamisa Rafika?
-
Ata ti injustice yina zimbaná ve, wa’ faso Biblia sadisaka yandi?
Nsilulu yina Biblia ke pesá samu na avenir ya beto ke sadisa beto na kulemba ve. Nsilulu yango ke sadisa beto na kunwana na bamambu ya beto. Tanga Bingana 17:22 na Baroma 12:12, mpe na manima beto zonzila byuvu yayi:
-
Nge me kanisa ti kivuvu yina Biblia ke pesá lenda sadisa beto na kunwana na bamambu ya beto bubu yayi? Samu na yinki?
BANTU YA NKAKA KE ZONZAKA: “Bansilulu yina Biblia ke pesá samu na bilumbu yina ke kwiza ke kitoko mingi samu ya salama.”
-
Samu na yinki ya ke mbote mingi na kusosa kuzaba yawu nge mosi?
NA BUNKUFI
Biblia ke pesá beto kivuvu ya avenir ya kilengi, yina ke sadisá beto na kunwana na basusi ya luzingu.
Mambu ya kusimba
-
Samu na yinki bantu ke na nsatu ya kuzaba bansilulu ya Nzambi?
-
Yinki Biblia ke zonzá samu na bilumbu yina ke kwiza?
-
Wa’ faso kivuvu ya avenir ya kitoko lenda sadisa nge bubu yayi?
SOSA KUZABA DYAKA
Tala faso kivuvu lenda sadisa nge ntangu nge ke vandá na bamambu ya mpasi.
Tala wa’ faso kivuvu ya avenir ya kitoko lenda sadisa ba yina ke na nwaná na bimbevo yina ke na manisá ve.
“Vivre avec une maladie chronique: la Bible est-elle utile?” (Tanga yawu na jw.org)
Ntangu nge ke na talá video yayi, kanisa na kilumbu yina nge na dikanda ya nge, ke vanda na luzingu ya kilengi na kati ya paradiso yina Biblia ke zonzilá.
Tanga faso kivuvu yina Biblia ke pesá, bongisá luzingu ya muntu yina vandá nwana samu mambu bonga na yinza yayi.
“Je ne pense plus devoir changer le monde” (La Tour de Garde, 1 Juillet 2013)
