Faso kulongoka ya Biblia yayi lenda sadisa nge mbote-mbote
Na kubanda, tala faso ba me sala bileso awa, mpe na manima tala VIDEO.
KITINI YA NTETE
Samu na kubongisa kileso yina nge ke longoka, tanga kitini ya ntete ya kileso. Byuvu ke na couleur (A) mpe baverse yina ke na ndombi ya ngolo (B) ke na zonzilá mambu yina beto me bonga kuzimbana ve. Beno me bonga kutanga baverse yina ba me tula “tanga.”
KITINI YA ZOLE
Ba phrases ya ntete (C) na kitini Sosa kuzaba mbote-mbote, ke na zonzilá mambu yina ke landa. Ba sous-titres (D) ke na zonzilá mambu yina beto zolá zimbana ve. Tanga baverse na mulongi ya nge, pesa bamvutu na byuvu, mpe tala bavideo.
BAVIDEO yina ke na kati awa, ke na bwelamá na malongi ya kileso. Ya ke na bavideo yina ke na zonzilá mambu faso ya salamá na luzingu ya muntu. Bavideo ya nkaka ke ve na zonzilá mambu ya luzingu ya muntu, kasi ya ke na lakisá bamambu yina bantu ke kutanaka na yawu na luzingu.
Sadila mbote-mbote bizizi na bisoni yina ke na yisi ya yawu (E), mpe kanisa na bamvutu yina nge lenda pesa na kitini Bantu ya nkaka ke zonzaka (F).
KITINI YA TATU
Kileso ke manisa na bitini Na Bunkufi mpe Mambu ya kusimba (G). Sonika kilumbu yina kileso me manisa. Na kitini Yina nge lenda sala (H) ke na mambu yina nge lenda sala na manima ya kileso. Na kitini Sosa kuzaba dyaka (I) ke na mambu ya nkaka yina nge lenda tala to yina nge lenda tanga.
Yina ke na kati
|
|
|
|
Faso nge lenda kuzwa baverse ya Biblia
Na kati ya Biblia ke na babuku 66. Ya ke ya kukabuka na bitini zole: ba soniká kitini ya ntete na ndinga ya Ebre na Arameen (“Ancien Testament”) mpe kitini ya zole na ndinga ya Greke (“Nouveau Testament”).
Ntangu ba ke zonzila baverse ya Biblia, (A) kele nkumbu ya Biblia, (B) kele kikapu, mpe (C) kele verse to baverse.
Na kifwani, Yoane 17:3 zola zonza buku ya Yoane, kikapu 17, verse 3.
