Kubanda ntama tii bubu yayi, bantu ke sambilá banzambi mingi. Kasi, Biblia ke zonzá ti ya ke kaka na Nzambi mosi yina ke “nene kuluta banzambi nyonso ya nkaka.” (2 Bansangu 2:5) Kasi Nzambi yango ke nani? Samu na yinki yandi me lutila banzambi nyonso ya nkaka? Na kileso yayi, nge ke longoka faso Nzambi ya tsyeleka ke na zonzilá beto nani yandi kele.

1. Nkumbu ya Nzambi ya tsyeleka ke nani? Yinki ke na lakisá ti yandi zola beto zaba yawu?

Na kati ya Biblia, Nzambi me zabisa beto nkumbu ya yandi. Yandi me zonza: “Munu kele Yehova. Yayi ni nkumbu ya munu.” (Tanga Izaya 42:5, 8.) Na ndinga ya Hébreu, nkumbu “Yehova” zola zonza, “Muntu yina ke kumisaka.” Yehova zola beto zaba nkumbu ya yandi. (Kubasika 3:15) Yinki me lakisa yawu? Na kati ya Biblia, yandi me tula nkumbu yango bambala kuluta 7000! a “Yehova” ke nkumbu ya “Nzambi ya tsyeleka na zulu mpe na ntoto.”—Kulonga Misiku 4:39.

2. Yinki Biblia ke zonzá na yina me tadila Yehova?

Bantu ke sambilá banzambi mingi. Kasi, Biblia ke zonzá ti kaka ni Yehova ke Nzambi ya tsyeleka. Samu na yinki? Samu ti, kaka ni Yehova ke mfumu ya kulutila bamfumu, mpe kaka ni yandi kele “Muntu ya Kulutila Zulu na ntoto ya mvimba.” (Tanga Nkunga 83:18.) Dyaka, ni yandi ke ‘Muntu ya Ngolo-Nyonso’ samu ti, kaka ni yandi ke na ngolo ya kusala bima nyonso yina yandi zola. Ni yandi “yidikaka bima nyonso,” ya vanda na zulu mpe na ntoto. (Luzabusu 4:8, 11) Biblia ke zonzá mpe ti, katuka bamvula na bamvula tii bamvula na bamvula, kaka Yehova kele mpe yandi ke vanda kaka.—Nkunga 90:2.

 4. Yehova zola nge zaba mpe nge sadila nkumbu ya yandi

5. Yehova me zola nge kuma pene-pene na yandi

 NA BUNKUFI

Yehova ke nkumbu ya Nzambi ya tsyeleka. Yandi zola ti nge zaba mpe nge sadila nkumbu ya yandi, samu nge kuma dyaka pene-pene na yandi.

Mambu ya kusimba

• Samu na yinki Yehova ke ve faso mosi na banzambi ya nkaka yina bantu ke sambilaka?

• Samu na yinki beto zolá sadila nkumbu ya Nzambi?

• Yinki ke na lakisá ti Yehova zola beto kuma pene-pene na yandi?