KILESO 06
Wapi mutindu luzingu bandaka?
“Ni [Nzambi] yidikaka bima nyonso.” (Luzabusu 4:11) Nge me ndima yawu? Bantu ya nkaka ke zonzá ti ata muntu yidiká luzingu. Kana ya ke ya tsyeleka, ya zola zonza ti luzingu yidamá yawu mosi. Kasi, kana Yehova yidiká luzingu, ya zola zonza ti yandi vandá na dikanisi samu na beto. Faso yina ve? a Tala yina Biblia ke zonzá na faso luzingu bandaka. Tala mpe samu na yinki nge lenda tula ntima na mambu yina ya ke zonzaka.
1. Wapi kisika zulu mpe ntoto katukaka?
Biblia ke zonzaka: “Na kubanda Nzambi yidikaka zulu na ntoto.” (Kubanda 1:1) Bantu mingi ya science ke ndimá ti zulu mpe ntoto ke na ntangu yina ya bandaka. Wa’ faso Nzambi yidikaka yawu? Yandi sadilá “ngolo ya kisalu ya yandi,” mpeve ya yandi ya santu, samu na kuyidika bima nyonso yina ke na zulu mpe na ntoto.—Kubanda 1:2.
2. Samu na yinki Nzambi yidiká ntoto?
Yehova “yidikaka ve ntoto kaka ya mpamba, kasi yandi salaka yawu samu bantu zinga.” (Izaya 45:18) Yandi yidiká ntoto samu luzingu vanda kitoko mpe ya ntangu nyonso na zulu ya yawu. (Tanga Izaya 40:28; 42:5.) Bantu yina me longoka mingi me zonza ti ata kisika to planète ya nkaka ke faso ntoto. Kaka ntoto ke na bima nyonso yina bantu ke na yawu nsatu samu na kuzinga.
3. Samu na yinki bantu ke ve faso mosi na bibulu?
Na manima ya kuyidika ntoto, Yehova tulá luzingu na zulu ya yawu. Ya ntete, yandi yidiká bayinti mpe bibulu. Na manima, “Nzambi yidikaka muntu na kifwani ya yandi.” (Tanga Kubanda 1:27.) Samu na yinki bantu ke ve faso mosi na bibulu? Samu ti Nzambi yidiká beto na kifwani ya yandi. Ya zola zonza ti beto mpe lenda lakisa luzolo na lunungu (justice) mutindu yandi. Yandi yidiká beto na mayela ya kulongoka bandinga mingi, na kusepela na bima ya kitoko, mpe na kusepela na banzimbu. Bantu lenda sambila Nzambi mpe kukuma bandiku ya yandi, kima yina bibulu lendá sala ve.
SOSA KUZABA MBOTE-MBOTE
Tala samu na yinki nge lenda ndima ti Nzambi yidiká luzingu, mpe tala ti yina Biblia ke zonzá na faso luzingu bandá ke ya tsyeleka. Tala yinki bifu ya mbote ya bantu ke longá beto na yina me tadila Nzambi.
4. Nzambi yidiká luzingu
Ntangu bantu ke yidiká bima ya nkaka na kifwani ya bima yina ke na ntoto, ba ke pesá bawu nkembo. Kasi nani me bonga kuzwa nkembo samu na bima yina ke na ntoto? Tala VIDEO, mpe na manima beto zonzila kyuvu yina ke landa.
-
Wapi bima bantu yidiká na kifwani ya bima yina ke na ntoto?
Konso yinzo ke na muntu yina tungaka yawu, kasi nani tungá bima nyonso yina ke na zulu mpe na ntoto? Tanga Baebre 3:4, mpe na manima beto zonzila byuvu yayi:
-
Na kati ya bima yina ba yidiká na zulu mpe na ntoto, yinki me simba ntima ya nge?
-
Nge lenda ndima ti ya ke na muntu yidiká bima nyonso na zulu mpe na ntoto? Samu na yinki?
Nge me zaba yawu?
Nge lenda kuzwa mikanda mpe ba video na mambu yayi na jw.org na kitini “Ba yidikaka yawu to ya yidamá yawu mosi?” mpe “Yinki ba me zonza na yina me tadila kubanda ya luzingu.”
“Ya tsyeleka, konso yinzo kele na muntu yina ke tungaka yawu, mpe kitungi ya bima nyonso ni Nzambi”
5. Samu na yinki yina Biblia ke zonzá na faso luzingu bandá ke ya tsyeleka?
Na buku ya Kubanda kikapu 1, Biblia ke zonzá faso ntoto mpe luzingu bandaka. Nge lenda ndima disolo yayi to ya ke kaka luvunu? Tala VIDEO, mpe na manima beto zonzila byuvu yina ke landa.
-
Biblia ke zonzá ti Nzambi yidiká ntoto mpe luzingu na bilumbu 6. Bilumbu 6 yayi ke kwandi bilumbu yina ke na ba heures 24?
-
Nge lenda ndima disolo ya Biblia yina ke zonzilá faso luzingu bandaka? Samu na yinki?
Tanga Kubanda 1:1, mpe na manima beto zonzila kyuvu yayi:
-
Bantu yina me longoka mingi ke zonzá ti zulu mpe ntoto ke na ntangu yina ya bandaka. Yina ba ke zonzá me kwelana na yina nge me tanga na kati ya Biblia?
Bantu ya nkaka ke kanisá ti samu na kuyidika luzingu, Nzambi yidikaka kaka kima mosi ya fioti. Mpe na manima bima nyonso ya nkaka mpe bantu basikaka na kima ya fioti yango. Tanga Kubanda 1:21, 25, 27, mpe na manima beto zonzila byuvu yayi:
-
Na yina nge me tanga, wapi mutindu Nzambi yidiká luzingu? Yandi yidiká kwandi kima ya fioti mosi yina kumaka bambisi, bibulu mpe bantu? To ni yandi mosi yidiká bima nyonso?
6. Na bima nyonso yina Nzambi yidiká, kaka bantu yandi yidiká na kifwani ya yandi
Yehova yidiká ve bantu faso bibulu. Tanga Kubanda 1:26, mpe na manima beto zonzila kyuvu yayi:
-
Beto bantu ke lakisá luzolo mpe ntima ya kyadi. Samu Nzambi yidiká beto na kifwani ya yandi, yinki ya ke na longá beto na yina me tadila Nzambi?
BANTU YA NKAKA KE ZONZAKA: “Yina Biblia ke zonzá na faso luzingu bandá ke kaka luvunu.”
-
Nge me kanisa yinki? Samu na yinki?
NA BUNKUFI
Yehova yidiká zulu, ntoto, mpe bima nyonso yina ke na luzingu.
Mambu ya kusimba
-
Yinki Biblia ke longá na faso zulu mpe ntoto bandaka?
-
Wapi mutindu Nzambi yidiká luzingu? Yandi yidiká kaka kima mosi ya fioti yina kumá bibulu mpe bantu to ni yandi mosi yidiká bima nyonso?
-
Samu na yinki bantu ke ve faso mosi na bibulu?
SOSA KUZABA DYAKA
Tala bifwani ya nkaka yina ke na lakisá ti Nzambi yidiká bima nyonso.
“ Qu’enseigne la nature ? ” (Réveillez-vous !, Septembre 2006)
Tala faso tata mosi lendá longa yina Biblia ke zonzá na faso luzingu bandá na mwana ya yandi.
Mambu ya évolution ke kwelaná kwandi na yina Biblia ke zonzaka?
“Nzambi yidiká luzingu to luzingu bandá kaka faso yina?” (Tanga yawu na jw.org)
Tala mambu yina mikwa ya ntama ke lakisá, mpe yina bantu ya mayela ke zonzá na yina me tadila faso luzingu bandaka.
