Kulongoka Biblia ke mbote. Ba ya nkaka bandá kusala yawu, kasi na manima, ba bikaka. Ya me kuminá nge mpe na kukanisa ti, ya ke na kima yina lenda sala ti nge bika kulongoka Biblia? Samu na yinki nge me bonga kusala bangolo na kubika ve? Yinki lenda sadisa nge na kubika ve ata bankwamusu?

1. Wa’ faso kulongoka Biblia lenda sadisa nge?

“Mambu ya Nzambi kele moyo mpe ngolo.” (Baebre 4:12) Biblia ke mfunu samu ti ya ke zonzá makanisi ya Nzambi samu na nge. Ya ke sadisa nge na kuzaba mambu mingi, mpe na kuzwa mayela na kivuvu. Ya kulutila mfunu, Biblia ke sadisa nge na kukuma ndiku ya Yehova. Kulongoka Biblia ke bongisa luzingu ya nge.

2. Samu na yinki ya ke mbote na kundima ti matsyeleka ya Biblia ke mfunu mingi?

Matsyeleka yina ke na kati ya Biblia ke muntidu bima ya ntalu. Biblia ke zonzá na beto na “kusumba matsyeleka mpe kutekisa ve yawu ata fioti.” (Bingana 23:23) Kana beto zimbana ve ntalu ya matsyeleka ya Biblia, ya ke sadisa beto na kubika ve ata kima kanga beto nzila na kulongoka Biblia.—Tanga Bingana 2:4, 5.

3. Wapi mutindu Yehova lenda sadisa nge na kubika ve kulongoka Biblia?

Ni Yehova yidiká nge. Yandi ke na ngolo nyonso mpe yandi ke ndiku ya nge. Na yawu, yandi me zola kusadisa nge na kuzaba yandi. Yandi lenda pesa nge “ngolo ya kuzola mpe ya kusala mambu yina yandi ke zolaka.” (Tanga Bafilipi 2:13.) Kana nge ke na lendá dyaka ve kulongoka, to kusadila mambu yina nge ke na longokaka, yandi lenda sadisa nge. Ntangu bankwamusu ke manisa nge ngolo ya kulongoka Biblia, Yehova lenda pesa nge ngolo. Sambila Yehova ntangu nyonso samu yandi sadisa nge na kubika ve kulongoka Biblia.—1 Batesalonika 5:17.

 SOSA KUZABA MBOTE-MBOTE

4. Sala ti kulongoka Biblia vanda mosi ya bamambu ya ntete na luzingu ya nge

Ya lenda salama ti nge vanda ve na ntangu mingi na kulongoka Biblia, samu nge ke na bamambu mingi ya kusala. Yinki lenda sadisa nge? Tanga Bafilipi 1:10, mpe na manima beto zonzila byuvu yayi:

• Wapi yina kele “mambu ya mfunu” na luzingu ya nge?

• Wa’ faso nge lenda sala ti kulongoka Biblia kuma mosi ya bamambu ya ntete na luzingu ya nge?

1. Kana nge tula bantoto na kati ya kantine mpe nge sosa kubwela matadi na zulu, matadi ke lunga ve

2. Kana nge banda kutula ntete matadi, na manima nge ke kuzwa kisika ya kutula bantoto mingi. Ntangu nge ke bwela bantoto, ya ke lunga. Mutindu mosi mpe, kana nge tula “mambu ya kulutila mfunu” na kisika ya ntete na luzingu ya nge, nge ke lenda kusala yawu, mpe nge ke kuzwa dyaka ntangu ya kusala bima ya nkaka

Kulongoka Biblia ke lungisaka bansatu ya beto ya kimpeve. Bansatu ya kimpeve awa ke ni kuzaba mpe kusala luzolo ya Nzambi. Tanga Matayi 4:4, mpe na manima beto zonzila kyuvu yayi:

• Wapi yina kele mambu ya kulutila mfunu na luzingu ya muntu? Wa’ faso kulongoka ya nge ya Biblia lenda sadisa nge na kusala yawu?

 5. Kubika ve kulongoka Biblia ata na mantwala ya bankwamusu

6. Vanda na kiminu ti Yehova ke sadisa nge

 NA BUNKUFI

Ntangu ya nkaka ya lenda vanda mpasi, kasi kulongoka Biblia lenda sadisa nge na kusepela na luzingu ya ntangu nyonso. Kubika ve kutula ntima na Yehova mpe yandi ke sakumuna bangolo ya nge.

Mambu ya kusimba

• Samu na yinki matsyeleka ya Biblia ke kima ya ntalu samu na nge?

• Wapi mutindu nge lenda “zaba mambu ya kulutila mfunu”?

• Samu na yinki nge me bonga kusambila Yehova samu yandi sadisa nge na kubika ve kulongoka Biblia?