KILESO 21
Wapi faso kisalu ya kusamuna nsangu ya mbote ke salamaka?
Yehova ke sadila kimfumu ya yandi, samu na kuyidika bamambu nyonso na zulu ya ntoto. Samu ya ke nsangu ya kulutila mbote, muntu nyonso fwana kuwa yawu. Ni na yawu, Yesu lombá na bilandi ya yandi na kuzonzila nsangu yango na bantu nyonso! (Matayi 28:19, 20) Kasi wa’ faso Bambangi ya Yehova ke landá musiku yayi?
1. Wa’ faso Matayi 24:14 ke na lunganá bubu yayi?
Yesu zonzaka: “Ba ke zabisa Nsangu ya Mbote yayi ya Kimfumu na yinza nyonso.” (Matayi 24:14) Bambangi ya Yehova ke na kilengi mingi na kusala kisalu ya mfunu yayi. Beto ke na zonzilá nsangu ya mbote na bandinga kuluta 1 000 na yinza nyonso! Kisalu ya nene yayi ke lombá ntangu mpe bangolo mingi. Beto ke lendá kusala yawu kaka na ngolo ya Yehova.
2. Wapi bangolo beto ke salá samu na kusamuna?
Beto ke samuná na bisika nyonso yina beto ke kutaná bantu. Faso bakristo ya siècle ya ntete, beto ke samuná “yinzo na yinzo.” (Bisalu 5:42, nwt) Mpe ni na nzila ya yawu, konso mvula beto ke zonzilá mambu ya Yehova na ba millions ya bantu. Samu bantu ke vandá ve ntangu nyonso na bayinzo ya bawu, beto ke samuná mpe na bisika ya nkaka yina beto ke kutaná bawu. Ntangu nyonso beto ke kuzwá bweso ya kuzonzila mambu ya Yehova mpe bansilulu ya yandi na bantu. Beto ke salaka yawu na mbangu nyonso.
3. Banani me bonga kusamuna nsangu ya mbote?
Bakristo nyonso ya tsyeleka me bonga kusamuna nsangu ya mbote. Samu bantu vuuka, na ntima mosi, beto ke salá nyonso samu na kusamuna nsangu ya mbote. (Tanga 1 Timote 4:16.) Ba ke futá ve beto samu na kusala yawu, samu Biblia ke zonzá: “Ata kupesa mbongo, beno me kuzwa […], beno mpe, beno pesa ata kulomba mbongo.” (Matayi 10:7, 8) Ni bantu nyonso ve ke kuwá beto. Kasi beto ke biká ve kusamuna, samu ya ke faso ya beto ya kupesa nkembo na Yehova mpe ya ke sepelisaka yandi.
SOSA KUZABA MBOTE-MBOTE
Longoka bangolo yina beto Bambangi ya Yehova ke salá samu na kusamuna na ntoto nyonso, mpe tala faso Yehova ke sadisá beto.
Kisalu ya kusamuna na zulu ya ntoto nyonso: (A) Costa Rica, (B) États-Unis, (C) Bénin, (D) Thaïlande, (E) Yap, (F) Suède
4. Beto ke salá bangolo samu na kusamuna na bisika nyonso
Bambangi ya Yehova ke salá nyonso yina ba lenda sala, samu na kusamuna nsangu ya mbote na bantu bisika nyonso yina ba kele. Tala VIDEO, mpe na manima beto zonzila kyuvu yina ke landa.
-
Yinki me simba ntima ya nge na kutala bangolo yina Bambangi ya Yehova ke salá samu na kusamuna?
Tanga Matayi 22:39 mpe Baroma 10:13-15, mpe na manima beto zonzila byuvu yayi:
-
Wa’ faso kisalu ya beto ya kusamuna ke lakisá ti beto ke zolá bantu ya nkaka?
-
Wa’ faso Yehova ke talá ba yina ke samuná nsangu ya mbote?—Tala verse 15.
5. Beto ke salá kintwadi na Nzambi
Mambu mingi yina beto me kutana na yawu, ke na lakisá ti ni Yehova ke twadisá kisalu ya beto. Na kifwani, na yinsi ya Nouvelle-Zélande mpangi mosi na nkumbu ya Paul, samuná nsangu ya mbote na kento mosi na manima ya midi. Kasi kaka na kubanda ya kilumbu yina, kento yango sambilá Yehova, yandi lombá na Yehova na kufilisa muntu kwiza tala yandi. Mpe Paul me zonza: “bangunga tatu na manima mu kwizá na yinzo ya kento yango.”
Tanga 1 Bakorinto 3:9, mpe na manima beto zonzila kyuvu yayi:
-
Wa’ faso bamambu ya mutindu yina lutá na Nouvelle-Zélande, ke na lakisá ti ni Yehova ke na twadisá kisalu ya kusamuna?
Tanga Bisalu 1:8, mpe na manima beto zonzila kyuvu yayi:
-
Samu na yinki beto ke na nsatu ya lubakusu ya Yehova samu na kulungisa kisalu yango?
Nge me zaba yawu?
Na balukutakanu ya beto yina ke salamá na kati ya lumingu, beto ke longoká faso ya kusamuna. Kana nge me kwendá na mosi ya yawu, yinki nge me kanisa na mambu yina beto ke longoká kuna?
6. Beto ke tumamá na musiku ya Nzambi ya kusamuna
Na siècle ya ntete bantu ya nkaka sosá kukanga nzila na kisalu ya kusamuna yina bilandi ya Yesu vandá sala. Bakristo ya ntete kwendá tii na mantwala ya luyalu samu na “[. . .] kunwanina Nsangu ya Mbote.” (Bafilipi 1:7) Ni mutindu yina mpe Bambangi ya Yehova ya bubu yayi ke na salaka. a
Tanga Bisalu 5:27-42, mpe na manima beto zonzila kyuvu yayi:
-
Samu na yinki beto lenda bika ata fioti ve kisalu ya kusamuna?—Tala baverse 29, 38, na 39.
MUNTU LENDA YUFULA: “Samu na yinki Bambangi ya Yehova ke kwendá na bayinzo ya bantu?”
-
Wapi mvutu nge lenda pesa?
NA BUNKUFI
Yesu lombá na bilandi ya yandi na kusamuna nsangu ya mbote na bantu ya makanda, bandinga mpe bayinsi nyonso. Yehova ke na sadisá bisadi ya yandi na kusala kisalu yango.
Mambu ya kusimba
-
Wa’ faso ba ke na samuná nsangu ya mbote na yinza nyonso?
-
Wa’ faso kisalu ya beto ya kusamuna ke lakisá ti beto ke zolá bantu?
-
Nge me kanisa ti kusamuna ke kisalu yina lenda pesa beto kilengi? Samu na yinki?
SOSA KUZABA DYAKA
Tala faso Bambangi ya Yehova ke samuná na bisika yina bantu ke vandá mingi.
Na Paris, ba me yidama na kukwenda samuna na bisika yina bantu ke mingi (5:11)
Yinki Bambangi ya Yehova ke salá samu na kusadisa bantu yina ke kimá bwala ya bawu samu na muvusu to samu na bampasi?
Madya ya kimpeve samu na ba yina me kima babwala ya bawu (5:59)
Tala bambote yina mpangi mosi me kuzwa, samu yandi me lutisa luzingu ya yandi nyonso na kisalu ya kusamuna.
Longoka mingi samu na kuzaba faso beto me nunga na mantwala ya luyalu.
“ Les prédicateurs se défendent devant les tribunaux ” (Le Royaume de Dieu en action !, chapitre 13)
a Ni Yehova pesá beto musiku ya kusamuna. Na yawu Bambangi ya Yehova lenda bika ve na kusala yawu, samu bantu ke na sosá kukanga bawu nzila.
