KILESO 25
Wapi mutindu ya luzingu Nzambi me zola samu na beto?
Biblia ke zonzá ti, luzingu ya bantu ke ‘nkufi mpe ke ya kufuluka na bampasi.’ (Yobi 14:1) Nzambi me zola kwandi ti luzingu ya beto vanda faso yayi? Yinki yandi me kanisa samu na beto? Yandi ke lungisa kwandi dikanisi yina? Beto tala bamvutu yina Biblia me pesa na byuvu yayi.
1. Wapi mutindu ya luzingu Yehova me zola samu na beto?
Yehova zola beto vanda na luzingu ya mbote. Ntangu Yehova yidiká Adami na Eva, yandi tulá bawu na paradiso, kisika mosi ya kitoko mingi. Na manima, “Nzambi sakumunaka bawu, mpe yandi tubilaka bawu ti: ‘Beno buta mingi mpe beno kuma mingi, beno fulusa ntoto mpe beno yala yawu.’” (Kubanda 1:28) Yehova zolá ti ba buta bana, ba kumisa ntoto paradiso, mpe ba kipe bibulu. Luzolo ya Yehova vandá ti bantu nyonso vanda na mavimpi (santé) ya kulunga mpe zinga ntangu nyonso.
Ata ti bamambu salamá ve mutindu Yehova zolá, a dikanisi ya yandi me soba ve. (Izaya 46:10, 11) Banda ntama tii bubu yayi, dikanisi ya yandi kele ti bantu yina ke tumamá na yandi, vanda na luzingu ya kitoko mpe zinga ntangu nyonso.—Tanga Luzabusu 21:3, 4.
2. Wa’ faso beto lenda vanda na luzingu ya kilengi bubu yayi?
Yehova yidiká beto na nsatu ya “kuwaka Mambu ya Nzambi mpe ya kusadilaka yawu.” Ya zola zonza ti bantu nyonso ke na nsatu ya kuzaba Nzambi, mpe ke na nsatu ti Nzambi twadisa luzingu ya bawu. (Tanga Luke 11:28.) Yandi zola ti beto vanda na bundiku ya ngolo na yandi, “kutambula na banzila ya yandi nyonso, kuzola yandi,” mpe kusadila yandi “na ntima ya beto nyonso.” (Kulonga Misiku 10:12; Nkunga 25:14) Ntangu beto ke sala yawu, beto ke vanda kaka na kilengi ata na kati ya bampasi. Kaka ni kusadila Yehova mpe kulanda misiku ya yandi ke pesá kilengi na luzingu ya beto.
SOSA KUZABA MBOTE-MBOTE
Tala faso Yehova lakisá luzolo samu na beto ntangu yandi yidiká ntoto. Tala mpe na Biblia yinki ke pesá kilengi ya tsyeleka na luzingu ya muntu.
3. Yehova zola ti bantu vanda na luzingu ya kitoko
Tala VIDEO, mpe na manima beto zonzila kyuvu yina ke landa.
-
Samu na yinki Nzambi yidiká ntoto kitoko faso yayi?
Tanga Longi 3:11, mpe na manima beto zonzila kyuvu yayi:
-
Yinki ya ke na longá nge na yina me tadila Yehova?
4. Dikanisi ya Yehova samu na beto me soba ve
Tanga Nkunga 37:11, 29 na Izaya 55:11, mpe na manima beto zonzila kyuvu yayi:
-
Wa’ faso beto me zaba ti dikanisi ya Yehova samu na beto me soba ve?
Mutindu ba lenda yidika yinzo yina me beba. Faso mosi mpe, Yehova ke yidika ntoto yina bantu me bebisa, samu na ba yina ke zolaka Yandi
5. Kusadila Yehova ke bongisá luzingu ya beto
Kuzaba samu na yinki Nzambi yidiká beto lenda natina beto kilengi ya tsyeleka. Tala VIDEO, mpe na manima beto zonzila kyuvu yina ke landa.
-
Wapi bambote Terumi kuzwá ntangu yandi zabá samu na yinki Nzambi yidiká beto?
Tanga Longi 12:13, mpe na manima beto zonzila kyuvu yayi:
-
Yehova salá mingi samu na beto. Yinki beto me bonga kusala samu na kuvutula yandi matondo?
MUNTU LENDA YUFULA: “Yinki muntu lenda sala samu na kuvanda na kilengi ya tsyeleka?”
-
Wapi mvutu nge ke pesa?
NA BUNKUFI
Yehova zola beto sepela na luzingu ya ntangu nyonso awa na zulu ya ntoto. Kana beto sadila yandi na ntima mosi, kubanda bubu yayi beto ke vanda na kilengi na luzingu.
Mambu ya kusimba
-
Wapi mutindu ya luzingu Yehova zolá samu na Adami na Eva?
-
Wa’ faso beto me zaba ti dikanisi ya Yehova samu na bantu me soba ve?
-
Yinki nge lenda sala samu na kuvanda na kilengi ya tsyeleka na luzingu ya nge?
SOSA KUZABA DYAKA
Tala yinki ke na lakisá ti paradiso vandá na ntoto.
“ Le jardin d’Éden—Un mythe ? ” (La Tour de Garde, 1er Janvier 2011)
Tala yinki ke na lakisá ti ntoto ke vanda kaka ntangu nyonso.
Tala yinki Biblia ke zonzá na faso nge lenda kuzwa kilengi na luzingu ya nge.
“Samu na yinki beto kele awa na ntoto?” (Tanga yawu na jw.org)
Tala disolo ya bakala mosi yina vandá na bimvwama mingi, kasi yandi kwizá tala ti yandi vandá ve na kima mosi ya kulutila mfunu na luzingu ya yandi.
a Na kileso yina ke landa beto ke longoka samu na yinki bamambu ke ve na salamá faso Yehova zolaka.
