Samu bankooko ya beto Adami na Eva tumamá ve na Nzambi, beto ke sumuká, ke talá bampasi mpe ke kufwaka. a Kasi Yehova sadilá mwana ya yandi, Yesu Kristo, samu na kuvuukisa beto na disumu mpe na lufwa. Biblia ke zonzá ti, ntangu Yesu kufwaka yandi pesá luzingu ya yandi mutindu ntalu ya kufuta (rançon) samu na kukatula bantu nyonso na bundongo (esclavage) ya masumu. Ntalu yina Yesu futá vandá ni luzingu ya yandi ya kulunga samu na kukuula beto na boloko ya disumu mpe ya lufwa. (Tanga Matayi 20:28.) Samu Yesu vandá ve na masumu, mpe vanda tumamá ntangu nyonso na Yehova, yandi zolá zinga ntangu nyonso awa na ntoto. Kasi na ntima mosi, yandi ndimá kupesa luzingu ya yandi, samu beto kuzwa dyaka nyonso yina Adami na Eva zimbisaka. Ya lakisá ti yandi na Yehova ke zolá beto mingi. Kileso yayi ke sadisa beto na kuzaba yina Yesu salá samu na beto mpe kuvutula matondo samu na yawu.

1. Wa faso beto lenda kuzwa bambote ya lufwa ya Yesu bubu yayi?

Samu beto ke bantu ya masumu, beto ke salá bima mingi yina ke pesá ve Yehova kilengi. Kasi, beto ke vanda na kindiku ya ngolo na Nzambi, kana beto nyonga na ntima nyonso masumu ya beto mpe lomba na Yehova na nkumbu ya Yesu na kulemvokila beto. Beto me bonga mpe kusala nyonso yina beto lenda sala samu na kuvutukila ve yimbi yina. (1 Yoane 2:1) Biblia ke zonzá: “Kristo kufwaka yimeni mbala mosi samu na masumu ya bantu nyonso. Yandi vandaka ya kudedama. Kasi yandi kufwaka samu na bantu ya kudedama ve, samu ti yandi nata beno na sika ya Nzambi.”—1 Piere 3:18.

2. Wapi bambote lufwa ya Yesu ke natina beto na mantwala?

Yehova filisá Yesu na ntoto na kupesa luzingu ya yandi yina vandá ve na masumu “samu ti konso muntu yina ke kwikila [na Yesu] kufwa ve, kasi kuzwa luzingu ya seko.” (Yoane 3:16) Samu na nyonso yina Yesu salaka, ntangu fioti kaka me bikana, Yehova ke katula mambu nyonso ya yimbi yina disumu ya Adami nataka. Ya zola zonza, kana beto kwikila na munkayulu ya Yesu, beto ke kuzwa bweso ya kusepela na luzingu ya ntangu nyonso na zulu ya ntoto yina ke kuma paradiso!—Izaya 65:21-23.

 SOSA KUZABA MBOTE-MBOTE

3. Lufwa ya Yesu me katula beto na disumu mpe na lufwa

1. Adami vandá ve na masumu, kasi yandi tumamá ve na Nzambi mpe yandi natá disumu mpe lufwa na bantu nyonso

2. Yesu vandá ve na masumu mpe yandi tumamá na Nzambi. Na yawu yandi fungulá nzila samu bantu kuzwa bweso ya kuvanda dyaka ve na masumu mpe ya kuzinga ntangu nyonso

4. Muntu nyonso lenda kuzwa bambote ya lufwa ya Yesu

 5. Munkayulu ya Yesu ke dikabu ya Yehova samu na nge

Bandiku ya Yehova ke bakilá munkayulu ya Yesu mutindu dikabu samu na mosi na mosi na kati ya bawu. Na kifwani, tanga Bagalate 2:20, mpe na manima beto zonzila kyuvu yayi:

• Wa’ faso ntumwa Polo lakisá ti yandi vanda bakilá munkayulu ya Yesu mutindu dikabu samu na yandi?

Ntangu Adami sumuká, yandi salá ti yandi na mitekolo ya yandi banda kufwa. Kasi Yehova pesá luzingu ya mwana ya yandi samu na kupesa nge bweso ya kuzwa luzingu ya ntangu nyonso.

Ntangu nge ke tanga baverse yayi, kanisa na yina ya salá Yehova na kutala mwana ya yandi na kati ya bampasi. Tanga Yoane 19:1-7, 16-18, mpe na manima beto zonzila kyuvu yayi:

• Ntangu nge ke na kanisá na yina Yehova na Yesu salá samu na nge, ya ke na salá nge yinki?

 NA BUNKUFI

Samu na lufwa ya Yesu, Yehova ke lemvokilá masumu ya beto, mpe me pesa beto kivuvu ya kusepela na luzingu ya ntangu nyonso.

Mambu ya kusimba

• Samu na yinki Yesu kufwaka?

• Wa’ faso luzingu yina Yesu pesá mutindu ntalu ya kufuta, ke katula beto na masumu mpe na lufwa?

• Wapi bambote lufwa ya Yesu lenda natina nge?