KILESO 31
Kimfumu ya Nzambi kele yinki?
Nsangu ya kimfumu ya Nzambi ke nsangu ya kulutila mfunu na kati ya Biblia. Yehova ke sadila kimfumu ya yandi samu na kulungisa luzolo ya yandi samu na ntoto. Kasi, kimfumu ya Nzambi kele yinki? Wa’ faso beto me zaba ti ya ke na yalaka? Wapi mambu ya me lungisaka? Mpe wapi mambu ya ke lungisa na bilumbu yina ke kwiza? Kileso yayi na bileso zole yina ke landa, ke pesa bamvutu na byuvu yayi.
1. Kimfumu ya Nzambi kele yinki, mpe nani ke mfumu ya yawu?
Kimfumu ya Nzambi kele luyalu (gouvernement) yina Yehova Nzambi tulaka na zulu. Ni Yesu ke na twadisaka yawu. (Matayi 4:17; Yoane 18:36) Ntangu Biblia ke zonzilá Yesu, ya ke zonzá: “Yandi ke yala seko.” (Luke 1:32, 33) Samu Yesu ke Mfumu ya kimfumu ya Nzambi, yandi ke yala na zulu ya ntoto nyonso.
2. Nani ke yala na Yesu?
Yesu ke yala ve yandi mosi. Bantu yina me katuka na “[. . .], bandinga nyonso, makanda nyonso mpe bayinsi nyonso . . . ke yala yinza nyonso.” (Luzabusu 5:9, 10) Bantu yikwa ke yala na Yesu? Banda ntangu yina Yesu kwizá na ntoto, bantu mingi ke na kumá bilandi ya yandi. Kasi, kaka 144 000 na kati ya bawu ke kwenda na zulu samu na kuyala na Yesu. (Tanga Luzabusu 14:1-4.) Bakristo nyonso ya nkaka ke kuzwa bambote ya kimfumu ya Nzambi awa na ntoto.—Nkunga 37:29.
3. Samu na yinki kimfumu ya Nzambi me lutila bimfumu nyonso ya bantu?
Ata ti bamfumu ya yinza yayi ke sosá kusala mambu ya mbote, ba ke lendá ve kusala nyonso yina ba me zola, samu ti ba ke ve na makoki ya kusala yawu. Ntangu ya nkaka, ba yina ke kwizá na manima ya bawu ke salá bamambu na faso ya yimbi, mpe ke bebisá yina bampangi salaka. Kasi Yesu, mfumu ya kimfumu ya Nzambi, ke yala ntangu nyonso. Nzambi me “tula kimfumu mosi yina ke kufwa ve ata fioti.” (Danyele 2:44) Yesu ke yala na zulu ya ntoto nyonso, mpe yandi ke bakila bantu nyonso faso mosi. Yandi ke na luzolo, ntima ya mbote, mpe lunungu—mpe yandi ke longa bantu nyonso na kubakila bampangi ya bawu na luzolo, ntima ya mbote, mpe lunungu.—Tanga Izaya 11:9.
SOSA KUZABA MBOTE-MBOTE
Tala samu na yinki kimfumu ya Nzambi me lutila baluyalu nyonso ya bantu.
4. Kimfumu ya Nzambi ke yala na zulu ya ntoto nyonso
Yesu Kristo ke mfumu yina me lutila bamfumu nyonso ya yinza na ngolo. Tanga Matayi 28:18, mpe na manima beto zonzila kyuvu yayi:
-
Samu na yinki kimfumu ya Yesu me lutila baluyalu ya bantu?
Luyalu ya bantu ke vandá kaka ntangu fioti mpe na manima bantu ya nkaka ke baká kimfumu. Konso luyalu ke kaka na yinsi to kisika mosi yina ya ke yalaka. Kasi yinki beto ke zonza samu na kimfumu ya Nzambi? Tanga Danyele 7:14, mpe na manima beto zonzila byuvu yayi:
-
Samu na yinki ya ke mbote ti kimfumu ya Nzambi “kufwa ve” to vanda ntangu nyonso?
-
Samu na yinki ya ke mbote ti kimfumu ya Nzambi yala na zulu ya ntoto nyonso?
5. Ba me bonga kukatula bimfumu nyonso ya bantu
Samu na yinki kimfumu ya Nzambi me bonga kukatula bimfumu nyonso ya bantu? Tala VIDEO, mpe na manima beto zonzila kyuvu yina ke landa.
-
Wapi bamambu luyalu ya bantu nataka?
Tanga Longi 8:9, mpe na manima beto zonzila kyuvu yayi:
-
Nge me kanisa ti kimfumu ya Nzambi me bonga kukatula bimfumu nyonso ya bantu? Samu na yinki?
6. Bamfumu ya kimfumu ya Nzambi me zaba mbote bantu
Samu mfumu ya beto, Yesu, zingá awa na ntoto, yandi ke “talaka beto kyadi na bamambu yina ke lembisaka beto.” (Baebre 4:15) Yehova soolá bakento mpe babakala ya kukwikama 144 000 samu na kuyala na Yesu. Yandi soolá bawu na “bifumba nyonso, bandinga nyonso, makanda nyonso mpe bayinsi nyonso.”—Luzabusu 5:9.
-
Ya ke na salá nge yinki na kuzaba ti, Yesu na ba yina nyonso ke yala na yandi zingaka awa na ntoto, mpe me zaba mbote-mbote bamambu ya bantu?
Yehova me soola bakento na babakala ya bisika nyonso samu na kuyala na Yesu
7. Misiku ya kimfumu ya Nzambi me lutila misiku ya bantu
Baluyalu ya bantu ke tulá misiku, samu na kusadisa bantu yina ke na yisi ya bawu. Kimfumu ya Nzambi mpe me tula misiku samu na bambote ya bantu yina ya ke yala. Tanga 1 Bakorinto 6:9-11, mpe na manima beto zonzila byuvu yayi:
-
Na nge, wa’ faso yinza ke kuma ntangu muntu nyonso ke landa misiku ya Nzambi? a
-
Samu na nge, ya ke kwandi mbote ti Yehova pesa misiku na ba yina nyonso ke vanda na yisi ya kimfumu ya yandi? Samu na yinki?
-
Yinki ke na lakisá ti bantu yina ke tumamá ve na misiku yina lenda soba?—Tala verse 11.
Baluyalu ya bantu ke tulá misiku samu na kubumba mpe kusadisa bantu yina ke na yisi ya luyalu ya bawu. Kimfumu ya Nzambi mpe ke na misiku samu na kubumba mpe kusadisa bantu yina ke na yisi ya yawu. Misiku ya kimfumu ya Nzambi me lutila misiku ya bantu
MUNTU LENDA YUFULA: “Kimfumu ya Nzambi kele yinki?”
-
Wa’ faso nge lenda pesa mvutu na kyuvu yayi?
NA BUNKUFI
Ya tsyeleka kimfumu ya Nzambi ke luyalu yina ke na mazulu, mpe ntangu fioti kaka me bikana, ya ke yala ntoto nyonso.
Mambu ya kusimba
-
Banani ke yala na kimfumu ya Nzambi?
-
Samu na yinki kimfumu ya Nzambi me lutila bimfumu nyonso ya bantu?
-
Yinki Yehova me lomba na ba yina ke na yisi ya kimfumu ya yandi na kusala?
SOSA KUZABA DYAKA
Tala yinki Yesu zonzá na yina me tadila kisika yina kimfumu ya Nzambi kele.
“Kimfumu ya Nzambi ke kwandi na kati ya bantima ya bantu?” (Tanga yawu na jw.org)
Samu na yinki Bambangi ya Yehova ke soolá kutumama na nyonso yina kimfumu ya Nzambi ke zonzá, kasi ba ke tumamá ve na nyonso na bimfumu ya yinza?
Longoka yinki Biblia ke zonzá na yina me tadila ba 144 000 yina Yehova me soola samu na kuyala na Yesu.
Yinki natá kento mosi yina vandá na boloko, na kundima ti kaka ni Nzambi lenda yidika yinza yayi?
“ J’ai découvert la solution à l’injustice ” (Réveillez-vous !, Novembre 2011)
