Bantu ya nkaka ke kanisá ti samu muntu vanda na kilengi na luzingu, yandi me bonga kukwela. Ya kele na ba yina ke ya kukwela kasi ke na mawa, mpe ba ya nkaka yina ke ve ya kukwela ke na kilengi. Biblia ke zonzá ti kukwela to kukwela ve, kele nyonso zole makabu ya Yehova.

1. Wapi yina ke bambote ya kuvanda ve ya kukwela?

Biblia ke zonzá ti: “muntu yina me kwela [. . .] me sala mbote, kasi muntu yina me manga kukwela me lutila kusala mambu ya mbote.” (Tanga 1 Bakorinto 7:32, 33, 38.) Samu na yinki Biblia ke zonzá ti muntu yina me kwela ve “me lutila na kusala mambu ya mbote”? Mukristo yina ke ve ya kukwela, kele ve na kento to bakala ya kukipe mpe yandi ke na ntangu mingi. Na kifwani, yandi lenda sala bamambu mingi mutindu kukwenda na bwala ya nkaka samu na kusamuna. Ya kulutila, yandi ke na ntangu mingi samu na kukulisa kindiku ya yandi na Yehova.

2. Wapi yina ke bambote ya kuvanda ya kukwela?

Kuvanda ve ya kukwela ke na bambote ya yawu, kasi kuvanda ya kukwela mpe ke na bambote ya yawu. Biblia ke zonzá ti “bantu zole me lutila muntu mosi.” (Longi 4:9) Matsyeleka yayi ke talaná pwelele na bakristo yina ke salá nyonso samu na kusadila malongi ya Biblia na kati ya makwela ya bawu. Kento na bakala yina kwelaná, baká mukanu ya kuzola mpe ya kuzitisa mosi na mosi na kati ya bawu luzingu ya bawu nyonso. Ya ke sala ti ba tula ntima na dikwela ya bawu mpe ba bakila yawu mutindu kima yina ke kengidila bawu, kulutila ba yina ke vandá yinzo mosi kasi ba me kwelana ve. Bana yina ba ke buta mpe, ke kula na kisika yina ke kengidila bawu.

3. Wapi yina ke dikanisi ya Yehova na yina me tadila makwela?

Ntangu Yehova kwelisá kento na bakala ya ntete, yandi zonzá: “Bakala ke bika tata ya yandi na mama ya yandi mpe yandi ke kangama na kento ya yandi.” (Kubanda 2:24) Yehova zola ti kento na bakala zolasana mpe ba zinga kintwadi luzingu ya bawu nyonso. Yehova ke ndimá ti kento na bakala lenda kufwa makwela, kaka kana mosi na kati ya bawu me sala kinsuza. Ni na yawu, Yehova ke pesá na bakala to kento yina me sala ve disumu bweso ya kusoola, kana yandi ke kufwa makwela to ve. a (Matayi 19:9) Yehova ke zolá ve ata fioti ti mukristo kwela bakento to babakala mingi, kasi mosi kaka.—1 Timote 3:2.

 SOSA KUZABA MBOTE-MBOTE

5. Soola na mayela nyonso muntu yina nge ke kwela

Kusoola muntu yina nge ke kwela ke mosi ya mikanu ya kulutila mfunu na luzingu. Tanga Matayi 19:4-6, 9, mpe na manima beto zonzila kyuvu yayi:

• Samu na yinki mukristo fwana kukanisa mbote-mbote tekila yandi baka mukanu ya kukwela?

Biblia ke zonzilá bifu ya mbote yina nge me bonga kusosa na kento to bakala yina nge me zola kukwela. Kasi mambu ya kulutila mfunu, ni kusosa kento to bakala yina ke zolá Yehova. b Tanga 1 Bakorinto 7:39 mpe 2 Bakorinto 6:14. Mpe na manima beto zonzila byuvu yayi:

• Samu na yinki beto me fwana kukwelana kaka na mpangi mukristo?

• Samu na nge, yinki ya ke sala Yehova kana muntu me soola kukwela muntu yina ke ve kisadi ya yandi?

 6. Tala mambu ya makwela mutindu Yehova ke tadilaka yawu

Na ntangu ya Izraele ya ntama, babakala ya nkaka vandá kufwa makwela na bakento ya bawu, samu na mambu yina Biblia me pesa ve nzila na kufwa makwela. Tanga Malaki 2:13, 14, 16, mpe na manima beto zonzila kyuvu yayi:

• Samu na yinki Yehova ke zolá ve ntangu bantu ke kufwá makwela samu na mambu yina biblia ke zonzilá ve?

Tala VIDEO, mpe na manima beto zonzila kyuvu yina ke landa.

• Kana nge ke ya kukwela kento to bakala yina ke ve Mbangi ya Yehova, yinki nge fwana kusala samu dikwela ya beno vanda na kilengi?

7. Sadila malongi ya Yehova na yina me tadila makwela

 NA BUNKUFI

Kuvanda ya kukwela to ya kukwela ve, kele nyonso zole makabu ya Yehova. Kana beto sadila misiku ya Yehova na mosi na mosi ya makabu yayi, ya ke natina beto kilengi ya tsyeleka.

Mambu ya kusimba

• Wapi mutindu bantu yina ke ve ya kukwela lenda sadila mbote dikabu ya bawu?

• Samu na yinki Biblia ke zonzá ti beto me bonga kukwelana kaka na mpangi mukristo?

• Na wapi mambu Biblia ke pesá nzila na kufwa makwela?