KILESO 39
Mutindu Nzambi ke tadilá menga
Menga ke mfunu mingi. Kana ya me manisa beto na nzutu, beto ke kufwa. Samu ni Nzambi yidiká beto, ni yandi me lunga kuzonzila beto mutindu ya kusadila menga. Yinki yandi zonzá na yina me tadila menga? Beto lenda kudya yawu to kubwela yawu na nzutu? Wa’ faso nge lenda baka mikanu ya mbote na yina me tadila mambu ya menga?
1. Wapi mutindu Yehova ke tadilá menga?
Yehova zonzá na bisadi ya yandi ya ntama: “Luzingu ya konso musuni yina ke zingaka kele menga ya yandi.” (Balevi 17:14) Samu na Yehova, menga ke luzingu. Samu luzingu ke dikabu mosi ya ntalu to ya santu, menga mpe kele ntalu mingi.
2. Wapi mutindu ya kusadila menga Nzambi ke niminaka?
Yehova zonzá na bisadi ya yandi ya ntete na kudya ve menga. (Tanga Kubanda 9:4 mpe Balevi 17:10.) Yandi lakisá ti nsiku yango ke mfunu mingi, ntangu kimvuka ya bantwadisi lombá na bakristo ya ntete: “beno landa kumanga . . . menga.”—Tanga Bisalu 15:28, 29, nwt-MK.
Yinki zola zonza kumanga menga? Kana docteur me zonza na nge na kumanga malafu, ya zola zonza ti nge me bonga ve kunwa yawu. Kasi, nge ke kudya kwandi madya yina ke na malafu na kati, to nge ke kotisa kwandi yawu na nzutu ya nge na nzila ya batumbu? Ata fioti ve. Mutindu mosi mpe, nsiku ya Nzambi ya kumanga menga zola zonza ti, beto me lunga ve kunwa menga to kudya misuni yina ba me katula ve menga. Kudya mpe ve madya nyonso yina ba me bwela menga na kati.
Yinki kuzonza na yina me tadila kusadila menga mutindu manganga? Bansalulu ya nkaka ke zitisá ve nsiku ya Nzambi na yina me tadila menga. Na kati ya yawu, kele na kubwela menga to mosi ya bitini ya yawu ya nene, mutindu: ba globules ya mbwaki, ba globules ya mpembe, ba plaquettes, mpe plasma. Kasi, ya lenda vanda mwa mpasi na kuzaba kana bansalulu ya nkaka yina ke sadilá menga, ke zitisá to ve nsiku ya Nzambi na yina me tadila menga. Na kifwani, ya ke na bansalulu yina ke sadilá bitini ya fioti-fioti ya mosi ya bitini ya nene ya menga. Ya nkaka ke sadilá menga ya muntu yandi mosi. Samu na bansalulu yayi, mosi na mosi na kati ya beto fwana kubaka mukanu ya yandi, yandi mosi. a—Bagalate 6:5.
SOSA KUZABA MBOTE-MBOTE
Tala wa’ faso nge lenda baka mikanu ya mbote na yina me tadila manganga to bansalulu yina ke sadilá menga.
3. Baka mikanu yina ke pesa Yehova kilengi
Wa’ faso nge lenda baka mikanu yina ke na kwelaná na mutindu Yehova ke tadilá menga? Tala VIDEO, mpe na manima beto zonzila mfunu ya kusala bamambu yina ke landa.
-
Sambila Yehova samu yandi pesa nge mayela.—Zaki 1:5.
-
Sosa dikanisi ya Biblia mpe tala mutindu nge lenda sadila yawu.—Bingana 13:16.
-
Sosa kuzaba manganga to bansalulu yina ba ke sadilá kisika yina nge ke vandaka.
-
Zaba manganga to bansalulu yina nge lenda ndima ve.
-
Sosa kuzaba kana mukanu yina nge ke baka, ke kwamisa ve ntima ya nge.—Bisalu 24:16. b
-
Zaba ti ata muntu ve, ya vanda bakala to kento ya nge, kuluntu mosi ya kimvuka, to muntu yina ke longá nge Biblia, lenda baka mukanu yayi samu na nge.—Baroma 14:12.
-
Sonika mukanu yina nge me baka samu bantu ya nkaka zaba yawu.
4. Bambangi ya Yehova ke sosá manganga ya kulutila mbote samu na kubeluka
Beto lenda zitisa musiku ya Nzambi na yina me tadila menga, mpe kubelusa nzutu ya beto na mutindu yina me lutila mbote, ata ti beto me sadila ve menga. Tala VIDEO.
Tanga Tite 3:2, mpe na manima beto zonzila kyuvu yayi:
-
Ntangu beto ke sololá na ba docteurs, samu na yinki beto me bonga kusala yawu na buzitu mpe na malembe nyonso?
|
Beto lenda ndima ve |
Mukristo yandi mosi me fwana kubaka mukanu |
|---|---|
|
A. Plasma |
Bitini ya fioti-fioti ya plasma |
|
B. Ba globules ya mpembe |
Bitini ya fioti-fioti ya ba globules ya mpembe |
|
C. Ba plaquettes |
Bitini ya fioti-fioti ya ba plaquettes |
|
D. Ba globules ya mbwaki |
Bitini ya fioti-fioti ya ba globules ya mbwaki |
5. Bitini ya fioti-fioti ya menga
Menga ke na bitini ya nene 4: ba globules ya mbwaki, ba globules ya mpembe, ba plaquettes, mpe plasma. Mosi na mosi ya bitini ya nene yayi ke na bitini mingi ya fioti-fioti. Ba ke bokilaka yawu bitini ya fioti-fioti ya menga. c Ba ke sadilá bitini ya fioti-fioti ya nkaka samu na kubelusa bimbevo to samu na kukanga menga yina ke na basiká na nzutu.
Na yina me tadila bitini ya fioti-fioti ya menga, mosi na mosi ya bakristo me lunga kubaka yandi mosi mukanu yina ke ya kukwelana na malongi ya Biblia mpe na ntima ya yandi. Ba ya nkaka ke baká mukanu ya kumanga manganga to bansalulu nyonso ya lupitalu yina ke sadilá bitini ya fioti-fioti ya menga. Ya ke na ba yina mpe ke talá ve yimbi na kundima bitini ya fioti-fioti ya menga.
Ntangu nge ke na baká mukanu yayi, kanisa mbote-mbote na kyuvu yayi:
-
Wapi mutindu mu lenda zonza pwelele na docteur samu na yinki mu ke na mangá to ke na ndimá bitini ya fioti-fioti ya nkaka ya menga?
MUNTU LENDA YUFULA: “Kubwela menga ke kwandi mambu ya yimbi?”
-
Yinki nge me kanisa?
NA BUNKUFI
Yehova zola ti beto bakila menga mutindu kima ya santu.
Mambu ya kusimba
-
Samu na yinki Yehova ke talá menga mutindu kima mosi ya santu?
-
Wapi mutindu beto me zaba ti nsiku ya Nzambi ya kumanga kusadila menga ke na zonzilá mpe kubwela ve menga na nzutu?
-
Wa’ faso beto lenda baka mikanu ya mbote na yina me tadila bansalulu ya lupitalu yina ke sadilá menga?
SOSA KUZABA DYAKA
Na yinki nge me lunga kukanisa tekila nge baka mukanu ya kundima to ve bansalulu ya lupitalu yina me tadila kusadila menga ya nge mosi?
“ Questions des lecteurs ” (La Tour de Garde, 15 Octobre 2000)
Yinki nge me fwana kuzaba mbote-mbote tekila nge baka mukanu na yina me tadila bitini ya fioti-fioti ya menga?
Yinki natá docteur mosi na kundima ti dikanisi ya Yehova na yina me tadila menga ke mbote?
“ J’ai accepté le point de vue de Dieu sur le sang ” (Réveillez-vous !, 8 Décembre 2003)
Tala wa’ faso bakuluntu yina ke na ba comités de liaison hospitaliers ke sadisá bampangi yina ke na belá na kuzwa ba docteurs yina ke ndima kusadila ve menga.
b Tala dikanisi 5, “Bitini ya fioti-fioti ya menga” mpe Note 3 ya nsuka, “Bansalulu ya lupitalu yina ke sadilá menga”.
c Ba docteurs ya nkaka ke tadilá bitini 4 ya nene ya menga mutindu mosi na bitini ya fioti-fioti ya menga. Na yawu, nge me lunga kusala nyonso samu docteur ya nge zaba pwelele mukanu ya nge ya kumanga kubwela menga, to mosi ya bitini 4 ya nene ya menga yina kele ba globules ya mbwaki, ba globules ya mpembe, ba plaquettes to plasma.
