KILESO 53
Soola bansaka yina ke pesaka Yehova kilengi
Yehova ke “Nzambi yina kele ya kufuluka na kyese.” (1 Timote 1:11) Yandi zola ti beto vanda na kilengi mpe sepela na luzingu ya beto. Yandi ke talá mpe kilengi ntangu beto ke baká ntangu ya kupema mpe ya kusala bansaka yina ke pesá beto kilengi. Ni na yawu, na kileso yayi beto ke tala wapi mutindu beto lenda sadila ntangu ya beto ya kupema na mutindu yina ke pesa beto kilengi, mpe yina ke pesa Yehova kilengi.
1. Na yinki beto me lunga kukanisa ntangu beto ke soolá bansaka?
Yinki nge ke zolá kusala na ntangu ya nge ya kupema? Ba ya nkaka ke zolá kutanga mwa buku, kuwa banzimbu, kutala télé, to kukota na internet. Ba ya nkaka mpe ke zolá kusala bansaka kintwadi na bandiku ya bawu mutindu, kukwenda tambula bisika ya nkaka, kusakana na kati ya maza (nager), to kusala bansaka mingi ya nkaka. Ata nsaka ni nsaka beto ke zolá, beto me lunga kusala nyonso samu bansaka yina beto ke soola vanda yina “Mfumu ke zolaka.” (Baefeze 5:10) Ya ke mfunu mingi beto zaba mambu yayi samu ti, bansaka mingi yina bantu ke salá bubu yayi, ke na bamambu yina Yehova ke yinaka. Bamambu yango lenda vanda, kunwana, kuvukisa nzutu na faso ya yimbi to bunganga. (Tanga Nkunga 11:5.) Yinki lenda sadisa beto na kusoola mbote bansaka?
Kana beto soola bandiku yina ke zolá Yehova, ba ke nata beto na kusala mambu ya mbote yina ke sadisa beto na kusoola bansaka ya mbote. Mutindu beto me longoka yawu na kileso yina me luta, “muntu yina ke tambulaka na bantu ya mayela ke kuma na mayela.” Kasi, kana beto ke zolá kulutisa ntangu na bantu yina ke zolá ve malongi ya Yehova, beto “ke suka yimbi.”—Bingana 13:20.
2. Samu na yinki kusala keba na bantangu yikwa beto ke lutisá na bansaka?
Ata ti bansaka yina beto me soola ke mbote, beto zolá sala keba na kulutisa ve ntangu ya kulutila na yawu. Samu ti, kana beto sala mutindu yina, beto ke kuzwa ve ntangu ya kusala bamambu ya kulutila mfunu. Ni na yawu Biblia ke lombá na beto na “kusadila mbote ntangu ya [beto].”—Tanga Baefeze 5:15, 16.
SOSA KUZABA MBOTE-MBOTE
Tala wapi mutindu nge lenda baka mikanu ya mbote na yina me tadila bansaka.
3. Manga bansaka ya yimbi
Samu na yinki beto me fwana kusala keba ntangu beto ke soolá bansaka? Tala VIDEO, mpe na manima beto zonzila byuvu yina ke landa.
-
Na wapi mutindu nsaka ya kunwana yina bantu vanda salá na Rome ya ntama ke mutindu mosi na bansaka mingi bubu yayi?
-
Na video, yinki Danny longoká na yina me tadila bansaka?
Tanga Baroma 12:9, mpe na manima beto zonzila kyuvu yayi:
-
Wapi mutindu verse yayi lenda sadisa nge na kusoola bansaka?
Wapi yina ke bamambu yina Yehova ke yinaka? Tanga Bingana 6:16, 17 mpe Bagalate 5:19-21. Na manima ya kutanga mosi na mosi ya baverse, beto zonzila kyuvu yayi:
-
Wapi mambu yina ba me zonzila na baverse yayi ke na talaná mingi na bansaka ya bubu yayi?
Byuvu yina lenda sadisa nge na kusoola na mayela nyonso bansaka ya nge
Yufula:
-
Wapi nsaka mu ke soola? Nsaka yango ke kwandi na mambu yina Yehova ke zolá ve na kati?
-
Bantangu yikwa ya ke baka munu? Ya ke kanga kwandi munu nzila na kusala bamambu yina me lutila mfunu?
-
Na nani mu ke sala yawu? Ya ke nata kwandi munu na kukuma pene-pene to na kulutisa ntangu mingi na bantu yina ke zolá ve Yehova?
Kuvanda ntama na mambu yina lenda sala beto yimbi lenda bumba luzingu ya beto. Ni na yawu, beto me fwana kulosa bansaka nyonso yina lenda vanda yimbi samu na beto
4. Sadila ntangu ya nge na mayela nyonso
Tala VIDEO, mpe na manima beto zonzila kyuvu yina ke landa.
-
Mpangi ya bakala yina beto me tala na video vanda talá ve bima ya yimbi. Kasi samu na yinki mutindu yandi vanda sadila ntangu ya yandi vandá yimbi?
Tanga Bafilipi 1:10, mpe na manima beto zonzila kyuvu yayi:
-
Wapi mutindu verse yayi lenda sadisa beto na kuzaba bantangu yikwa beto ke lutisa na bansaka?
5. Soola bansaka ya mbote
Ata ti ya ke na bansaka yina ke pesá ve Yehova kilengi, kasi ya kele mpe na yina ke pesaka yandi kilengi. Tanga Longi 8:15 na Bafilipi 4:8, mpe na manima beto zonzila kyuvu yayi:
-
Wapi bansaka ya mbote nge ke zolaka?
Bansaka ya mbote yina lenda pesa nge kilengi kele mingi
BANTU YA NKAKA KE ZONZAKA: “Mu lenda sala ve bamambu yina mu ke talá na télé to na internet, ata ti ya ke lakisá kunwana, kuvukisa nzutu, mpe bunganga.”
-
Wapi mvutu nge ke pesa?
NA BUNKUFI
Yehova zola ti beto soola bansaka ya mbote mpe beto tala kilengi na yawu.
Mambu ya kusimba
-
Wapi yina ke bansaka bakristo me fwana kumanga?
-
Samu na yinki beto me fwana kusala keba na bantangu yikwa beto ke lutisá na bansaka?
-
Samu na yinki nge me zola kusoola bansaka yina ke pesa Yehova kilengi?
SOSA KUZABA DYAKA
Mambu ya kubaka mikanu na yina me tadila bansaka ke na zulu ya yintu ya nani.
“Bambangi ya Yehova ke niminá kwandi ba films, mikanda to banzimbu ya nkaka?” (Tanga yawu na jw.org)
Tala wapi mutindu nge lenda baka mikanu ya mbote na yina me tadila bansaka.
“ Comment se détendre sainement ? ” (La Tour de Garde, 15 Octobre 2011)
Tala yinki sadisá bakala mosi na kubanda kusoola bansaka ya mbote, na disolo “ J’ai même surmonté mes préjugés. ”
“ La Bible transforme des vies ” (La Tour de Garde, 1er Février 2010)
Tala wapi mutindu mama mosi kwizá baka mukanu ya mbote na yina me tadila bansaka yina vanda lakisa mambu yina bampeve ya yimbi ke salaka.
Manga bansaka yina ke lakisá bansalulu ya bampeve ya yimbi (2:02)
