Mu me bongama kwandi?
Mu me bongama kwandi samu na kusamuna kintwadi na kimvuka?
Nge lenda vanda ya kuyidama samu na kusamuna kintwadi na kimvuka kana nge . . .
ke na kifu ya kulongoká Biblia, ya kusambilá, mpe ya kuvandá na balukutakanu nyonso ya kimvuka.
ke zolá mpe ke kwikilá na mambu nyonso yina nge ke longoká mpe ke zolá kuzonzila yawu na bantu ya nkaka.
ke zolá Yehova mpe ke soolá bandiku ya nge ya ntima na kati ya bantu yina ke zolaka yandi.
ke salá ata mambu kintwadi na bimvuka ya politique to bimvuka ya mabuundu ya luvunu.
ke tumamá na misiku ya Yehova na luzingu ya nge mpe zola kukuma mosi ya Bambangi ya Yehova.
Kana nge me tala ti nge ke ya kuyidama samu na kusamuna kintwadi na kimvuka, mulongi ya nge ya Biblia ke sadisa nge na kukutana na bakuluntu, samu na kutala kana nge lenda banda kusamuna kintwadi na kimvuka.
Mu ke kwandi ya kubongama samu na kuzwa mbotokolo?
Nge lenda vanda ya kuyidama samu na kuzwa mbotokolo kana nge . . .
ke samuná kintwadi na kimvuka.
ke salá bangolo samu na kusamuna ntangu nyonso.
ke ndimá mpe ke landá nzila yina “kisadi ya kukwikama mpe ya mayela” ke pesaka. —Matayi 24:45-47.
zonzá na Yehova na lusambu ti nge me pesa yandi luzingu ya nge mpe zola kusadila yandi ntangu nyonso.
Kana nge me tala ti nge ke ya kuyidama samu na kuzwa mbotokolo, mulongi ya nge ya Biblia ke sadisa nge na kukutana na bakuluntu, samu na kutala kana nge lenda kuzwa mbotokolo.
