Yinki Yesu salaka

Yinki beto lenda longoka na kifwani ya Yesu?

2. Beto me bonga kuzonza na luzolo nyonso, kasi beto me bonga mpe kuvanda na bukindi ya kuzonza na bantu yina ke longokaka Biblia na beto bamambu yina ba me fwana kusala samu na kukulisa kindiku ya bawu na Yehova.

 Landa kifwani ya Yesu

3. Sadisa mulongoki ya nge na kuzaba bamambu yina yandi me bonga kusala mpe na kunwana na kulungisa yawu.

1.    Sadila kitini “Yina nge lenda sala” yina ke na konso kileso ya buku Sepela na luzingu ya ntangu nyonso!

2.   Sadisa mulongoki ya nge na kutala bamambu yina yandi me lunga kulungisa na mwa ntangu fioti mpe yina yandi lenda lungisa na manima ya ntangu mingi.

3.   Ntangu nyonso, siika mulongoki ya nge na bangolo yina yandi ke na salaka.

4. Tala bamambu yina ke na kangaka mulongoki ya nge nzila ya kukula, mpe sadisa yandi na kununga yawu.

1.    Nge lenda kukiyufula byuvu yayi:

   • ‘Yinki ke na kangaka mulongoki ya munu nzila ya kukuma tii na kuzwa mbotokolo?’

   • ‘Yinki mu lenda sala samu na kusadisa yandi?’

2.   Sambila samu na kuzwa bukindi ya kuzonzila pwelele mpe na luzolo nyonso na mulongoki ya nge bamambu yina yandi me fwana kusala.

5. Zenga kulongoka Biblia na muntu yina ke na kulaka ve.

1.    Samu na kuzaba kana kulongoka ya beno ke na simbaka, nge lenda kukiyufula byuvu yayi:

   • ‘Mulongoki ya munu ke na sadilaka kwandi bamambu yina yandi ke na longokaka?’

   • ‘Yandi ke kwizaka kwandi na balukutakanu ya kimvuka mpe ke kabulaka kwandi matsyeleka na bantu ya nkaka?’

   • ‘Na manima ya kulongoka na kati ya mwa ntangu, yandi zola kwandi kukuma mosi ya Bambangi ya Yehova?’

2.   Kana muntu yina ke longokaka na nge me zola ve kukula:

   • Lomba na yandi na kukanisa na bamambu yina ke na salaka ti yandi kula ve.

   • Na malembe nyonso, zabisa yandi samu na yinki nge ke bika ntete kulongoka na yandi.

   • Zabisa yandi wapi bangolo yandi me fwana na kusala samu ti nge vutukila kulongoka Biblia na yandi.