KUBANDA MASOLO
KILESO 6
Vanda na bukindi . . . Zonza
Malongi: “Nzambi pesaka beto kibakala ya kuzabisa beno Nsangu ya Mbote.”—1 Tes. 2:2.
Yinki Yesu salaka
1. Tala VIDEO, to tanga Luke 19:1-7. Na manima, kanisa na byuvu yayi:
Yinki beto lenda longoka na kifwani ya Yesu?
2. Beto ke na nsatu ya bukindi samu na kusamuna nsangu ya Kimfumu na bantu nyonso.
Landa kifwani ya Yesu
3. Sikidila na Yehova. Mpeve ya Nzambi pesaka na Yesu ngolo ya kusamuna. Ya lenda sadisa mpe nge. (Mat. 10:19, 20; Luke 4:18) Lomba na Yehova bukindi ya kusamuna bantu yina lenda pesa nge boma.—Bis. 4:29.
4. Kuvanda ve na makanisi ya yimbi na bantu tekila nge zaba bawu. Kutala faso muntu kele, kisalu ya yandi, lubaku ya yandi, luzingu yina yandi ke nataka to dibuundu ya yandi, lenda kanga nge nzila na kusosa kubanda disolo na yandi. Kasi kuzimbana ve:
5. Vanda na bukindi, kasi lakisa buzitu mpe sala keba. (Mat. 10:16) Kusosa ve kukwamisa bantu. Tula nsuka na disolo na buzitu nyonso, kana muntu ke na zolaka ve kuwa nsangu ya mbote to kana kisika nge kele, nge na talaka ti mambu ya yimbi lenda kumina nge.—Bin. 17:14.
