KUVUTUKILA KUTALA MUNTU
KILESO 7
Tatamana
Malongi: “Bawu vwandaka tatamana . . . na kulongisa mpe kumwangisa Nsangu ya Mbote.”—Bis. 5:42.
Yinki Polo salaka
1. Tala VIDEO, to tanga Bisalu 19:8-10. Na manima, kanisa na byuvu yayi:
Yinki beto lenda longoka na kifwani ya Polo?
2. Beto me bonga kupesa ntangu mpe bangolo mingi samu na kuvutukila kutala bantu yina kuwaka nsangu ya mbote mpe kubanda kulongoka Biblia na bawu.
Landa kifwani ya Polo
3. Nwana na kutala bantu na ntangu yina me bonga na bawu. Nge lenda kukiyufula: ‘Wapi ntangu lenda vanda mbote samu na kusolola na yandi? Wapi ntangu mpe wapi kisika yandi ke sepela na kusolola na munu?’ Nwana na kuvutukila kutala muntu ata ti ntangu yina yandi me zola lenda vanda mpasi samu na nge.
4. Wisana na muntu na ntangu yina beno lenda kutana dyaka. Na nsuka ya konso disolo, wisana na muntu na kilumbu mpe ngunga yina beno lenda solola dyaka. Na manima, sala nyonso samu na kuvutukila disolo na kisika mpe na ntangu yina beno me wisana.
5. Kulemba ve na mbangu. Kukanisa ve na mbangu nyonso ti muntu ke sepelaka ve kuwa nsangu ya mbote samu ya ke mpasi na kuzwa yandi na yinzo, to yandi ke kaka na bamambu mingi ya kusala. (1 Ko. 13:4, 7) Tatamana, kasi zaba mpe kusadila ntangu ya nge na mayela nyonso.—1 Ko. 9:26.
