Yinki Yesu salaka

Yinki beto lenda longoka na kifwani ya Yesu?

2. Beto me bonga kuvanda na ntima ya yinda samu ti bantu ya nkaka ke bakaka ntangu mingi tekila ba ndima nsangu ya mbote.

 Landa kifwani ya Yesu

3. Sosa kusala bamambu na faso ya nkaka. Kana muntu me ndima ve na mbala mosi kulongoka Biblia, kusala ve yandi tiya. Na ntangu yina me bonga, sadila bavideo to mikanda ya beto samu na kusadisa yandi na kuzaba mutindu kulongoka ya Biblia ke lutaka, mpe wapi bambote yandi lenda kuzwa na yawu.

4. Kufwanisa ve bantu. Bantu nyonso ke ve faso mosi. Kana muntu ya dikanda ya nge to muntu yina nge me vutukila kutala ke na maketi-keti na kulongoka Biblia, to ke na ndimaka ve malongi mosi ya Biblia, sosa kuzaba samu na yinki yandi ke na mangaka. Ya ke kwandi samu ti malongi mosi ya dibuundu ya bawu ke mfunu mingi samu na yandi? Bantu ya dikanda ya yandi to ba yina ke vandaka kisika mosi na yandi ke na salaka kwandi yandi boma? Bikila yandi ntangu ya kukanisa na yina nge me zonzila yandi mpe ya kutala mfunu ya malongi ya Biblia.

5. Sambila samu na muntu yina me ndima kuwa nsangu ya mbote. Lomba Yehova sadisa nge na kubika ve na mbangu mpe na kuvanda na mayela ya kuzonza. Sambila samu na kuzaba kana nge me bonga kubika kuvutukila kutala muntu yina ke na zolaka ve kulongoka.​—1 Ko. 9:26.