YINA BA ME BWELA 3
Faso ya kusadila buku “Sepela na luzingu ya ntangu nyonso!” samu na kulonga bantu
Bampangi bakaka ntangu mingi na kusambila, kusosa mpe kuyindula, samu na kubasisa buku Sepela na luzingu ya ntangu nyonso! Samu na kuzwa bambote nyonso ya buku yayi, sadila yawu mutindu yayi.
Tekila beno longoka
-
1. Bongama mbote-mbote. Ntangu nge ke na bongamaka, yindula mbote-mbote na bansatu ya muntu yina ke longoka na nge, bamambu yina yandi ke na lutisaka mpe faso ya yandi ya kukanisa. Sosa na kutala bamambu ya mfunu yina yandi lenda vanda na nsatu ya kubakula to ya kusadila. Tala wa’ faso nge lenda sadila kitini “Sosa kuzaba dyaka.” Kitini yayi lenda sadisa mulongoki ya nge. Kubama samu na kusadila yawu mbote-mbote. Ntangu ya nkaka, ya lenda lungisa mosi ya bansatu ya yandi.
Ntangu beno ke na longokaka
-
2. Kana muntu yina ke longoka na nge me ndima, banda mpe manisa na lusambu.
-
3. Kuzonza ve mingi. Zonzila kaka bamambu yina ke na kileso yina beno ke na longokaka, mpe bika mulongoki ya nge zonza makanisi ya yandi.
-
4. Ntangu beno ke na bandaka kitini ya malu-malu, tanga “Yina ya ke zonzila,” mpe zonzila mwa fioti bileso yina ke na kati.
-
5. Ntangu beno ke manisa kitini mosi, sadila “Mambu ya kusimba na kitini” samu na kusadisa mulongoki ya nge na kubambuka moyo bamambu yina yandi me longoka.
-
6. Ntangu beno ke na longokaka konso kileso:
-
Beno tanga baparagrafe ya kitini ya ntete ya kileso.
-
Beno tanga baverse nyonso yina ba me sonika “Tanga.”
-
Kana ya lenda vanda mfunu, beno tanga baverse ya nkaka.
-
Beno tala bavideo nyonso yina ba me sonika “Tala” (kana nge ke na yawu).
-
Yufula na mulongoki ya nge byuvu nyonso.
-
Nata mulongoki ya nge na kutala bizizi yina ke na kitini “Sosa kuzaba mbote-mbote,” mpe lomba na yandi na kuzonzila yawu.
-
Sadila kitini “Yina nge lenda sala” samu na kusadisa mulongoki ya nge na kuzaba kana yandi ke na kulaka. Nge lenda lomba na yandi na kulungisa mambu ya ntete, mpe yandi lenda kanisa na yina yandi lenda sala dyaka, to yandi lenda sala nyonso zole.
-
Lomba na mulongoki ya nge wapi disolo to video ya kitini “Sosa kuzaba dyaka” sepelisaka yandi ntangu yandi vanda bongisa kulongoka ya yandi.
-
Kilumbu yina beno ke longoka, sala bangolo samu na kumanisa kileso mosi.
-
Na manima ya kulongoka
-
7. Kubika ve kukanisa na mulongoki ya nge. Sambila Yehova samu yandi sakumuna bangolo ya mulongoki ya nge, mpe yandi pesa nge ndwenga ya kuzaba faso ya kusadisa yandi.
