NZIMBU 111
Kilengi ya beto
-
1. Beto ke na kilengi samu
Na mambu mingi ya mbote.
Bima ya ntalu ya makanda
Ke na kwizá na Yehova.
Beto ke na kuwá malongi
Ya Yehova na Biblia,
Malongi yina ke kumisá
Kiminu ya beto ngolo.
Kilengi yango me fuluka,
Ata fioti ya ke sika.
Mpe ntangu bampasi ke kuma,
Yehova ke pesa ngolo.
(YA KUVUTUKILA)
Kilengi ya beto ni Yah,
Nzambi ya ngolo, ya mbote.
Mabanza mpe bisalu ya yandi
Ke nene, kitoko mingi.
-
2. Bima Yehova yidikaka
Ke pesá beto kilengi.
Ntoto, mazulu mpe bamaza
Ke kangá beto bayinwa.
Na tiya mpe kilengi nyonso,
Beto ke na kusamuná.
Kimfumu me banda kuyala.
Ya ke nata paradiso.
Beto ke na kuvingilaka
Kilengi ya kulutila.
Ntoto, zulu ya malu-malu,
Kilengi ke manisa ve.
(YA KUVUTUKILA)
Kilengi ya beto ni Yah,
Nzambi ya ngolo, ya mbote.
Mabanza mpe bisalu ya yandi
Ke nene, kitoko mingi.
(Tala mpe Bas. 16:15; Iza. 12:6; Yoa. 15:11.)
