NZIMBU 136
Bika Yehova pesa nge difuta
(Rute 2:12)
-
1. Yehova ke Nzambi ya kukwikama,
Me zaba bantu ya yandi.
Bantu yina ke mangá bima nyonso
Samu ba me zola yandi.
Nyonso nge biká, Yehova me zaba:
Yinzo, bandiku, dikanda.
Yandi pesá nge dikanda ya nene
Mpe na mantwala, luzingu.
(YA KUVUTUKILA)
Bika Yehova sakumuna nge,
Pesa nge difuta ya kulunga.
Bika ti yandi kubumba nge.
Yandi ke vuná ve, ke sobaka ve.
-
2. Bamambu ya luzingu ke lembisá,
Ke salá ti beto zonza:
‘Ya me lutila, mu ke na lendá ve.
Ngolo me manisa munu.’
Nzambi ke kuwá balusambu ya nge,
Yandi ke kusadisa nge.
Mpeve ya yandi, Biblia, bampangi
Ke sala ti nge kubwa ve.
(YA KUVUTUKILA)
Bika Yehova sakumuna nge,
Pesa nge difuta ya kulunga.
Bika ti yandi kubumba nge.
Yandi ke vuná ve, ke sobaka ve.
(Tala mpe Bazuzi 11:38-40; Izayi 41:10.)
