Ya ke baka ntangu?

Ya lenda sala ngunga mosi.

Wapi kisika ya ke salama?

Bambangi ya Yehova ya kisika nge kele lenda zabisa nge kisika yina ya ke salama.

Ba ke futaka samu na kuvanda kuna?

Ve.

Mabonza ke vanda?

Ve.

Wa’ faso mu fwana kulwata?

Muntu ni muntu lenda lwata faso yandi zola. Kasi Bambangi ya Yehova ke salaka bangolo samu na kulanda dilongi ya Biblia yina ke lombaka ti beto lakisa buzitu na bampangi na faso ya beto ya kulwata, mpe beto sosa ve kutalana. (1 Timote 2:9) Nge ke ve na nsatu ya kulwata bilele ya ntalu.

Wa’ faso bamambu ke salama na lukutakanu yina?

Na kubanda mpe na kumanisa, beto ke yimba nzimbu, mpe mosi ya Bambangi ya Yehova ke sala lusambu. Kitini ya mfunu ya lukutakanu yango ni discours yina ke zonzila samu na yinki lufwa ya Yesu ke mfunu mingi, mpe yinki beto lenda sala samu na kuzwa bambote na mambu yina Nzambi na Yesu salaka samu na beto.

Samu na kuzaba mingi, tala disolo “Samu na yinki Bambangi ya Yehova ke salaka ve lukutakanu ya madya ya Mfumu mutindu mabuundu ya nkaka?”

Na wapi ntangu lukutakanu ya kubambuka moyo lufwa ya Yesu ke salama dyaka?

2025: Samedi 12 Avril

2026: Jeudi 2 Avril