Mpangi Jean-Yves na kento ya yandi, Vasthie Mudaheranwa, yina ke vandá na bwala ya Montreal, na Canada, ke salá na lopital ya nene kote bantu mingi yina ke na Coronavirus kele. Mpangi Mudaheranwa ke specialiste na maladi ya respirasion (système cardio-respiratoire), mpe kento ya yandi ke infirmiere na kisika yina ba ke bumbá bantu ya Coronavirus. Na ntangu ya maladi ya yimbi yayi, ba ke na kuzwá ngolo na sika ya Yehova mpe na “kilengi ya ntima,” yina yandi ke pesa beto na bilumbu yina ke kwiza.—Izaya 65:14.

Mpangi Mudaheranwa me zonza: “Bampangi ya munu nyonso ya kisalu ke na boma, ntangu nyonso yina mu me lutisa na bawu, nabunu mu tala bawu na boma ya faso yayi”. Mpangi ya kento me zonzá, “Programe ya kulongoka Biblia ke na sadisá munu mingi”. “Beto ke kanisá na basigne ya bilumbu ya mansukina, mpe ya ke pesá beto ngolo na kuzaba ti, Yehova ke na beto mpe ata kilumbu mosi yandi ke bika beto. Dyaka lusambu ke sadisá beto mingi, samu ti avant mu basika na yinzo mpe avant mu banda kisalu, mu ke sambilá mpe ya ke sadisá munu na kuzwa kizunu ya ntima.”

“Mpangi Mudaheranwa Jean-Yves me zonza: “Mu butuká na Rwanda, mpe na ntama mu talá faso bantu mingi kufwá na guerre ya genocide”. “Awa na Canada nabunu mambu ya faso yina kumina beto, ntangu ya nkaka, ya lenda nata beto na kuzimbana ti, beto ke na bilumbu ya mansukina. Munu mpe vandá kanisa ti kilumbu ya Yehova ke ntete ntama. Maladi ya Coronavirus yayi me lakisa munu ti beto ke na zingá bilumbu ya mansukina, mpe ya me kumisa kiminu ya munu ngolo na Biblia mpe na baprofesi ya yawu.”

Mpangi Mudaheranwa na kento ya yandi, me zaba na ntima nyonso ti Batemwe ya Yehova ya ntoto nyonso me tula ntima ya bawu nyonso na Yehova na ntangu ya mpasi yayi.—Izaya 48:18.