Maladi ya yimbi ya coronavirus ke na salá ti, kisalu ya predikasion kuma mpasi samu na bampangi yina ke na babwala yina ya ke ngolo. Na babwala yina maladi yango ke ngolo, bampangi ya beto ke na sadilá bima ya malu-malu samu na kisalu ya predikasion.

Mpangi mosi ke vandá na Pise, na Italie, ma zonza: “Kisalu ya predikasion ke na lutá mbote, samu bantu mingi ke na bayinzo ya bawu, munu na kento ya munu, baká ntangu ya kunote banumero ya telefone ya bawu. Mpe bokilá banumero yango na nzila ya videoconference. Beto me kuma na ba-etude mingi mpe ba viste ya malu-malu (ya vanda ba yina beto zaba, mpe bantu ya nkaka), beto ke lutisá tangu mingi na predikasion mpe beto ke na zwá barezulta ya mbote.”

Na Corée ya Sud, Maladi ya yimbi yayi me nata baproklamatere mingi na kusadila ntangu nyonso site ya beto ya internet jw.org na JW Library. Na kifwani, kuluntu mosi kuzwá mesaje ya muntu yina vandá longoká Biblia na yandi bamvula tatu me luta deja. Muntu yango zabisak’ yandi ti krize yina maladi ya yimbi yayi me nata, me sadisa yandi na kukanisa na basigne ya bilumbu ya mansukina. Mpangi ya beto sadilá option ya “Partager le lien” ya applikasion JW Library samu na kufilisa yandi leson yina ke zonzilá bilumbu ya mansukina. Mpangi ya beto me zonza: “ya ke na pesá ngolo na kutala ti, basigne ya bilumbu ya mansukina ke na natá bantu na kusosa kuzaba mingi na yina me tadila Nzambi mpe Biblia.”

Barapor mingi yina ke na katuká na bafiliale, ke na lakisá faso bampangi ya beto ke pesá valere na kisalu ya predikasion. Ya ke kilengi na kutala faso ba ke na sadilá “mayela ya kusala bamambu” samu na kusala kisalu ya predikasion.—Mika 6:9.