Na kati ya servise ya mvula 2020, Batemwe ya Yehova me kutana na bamambu mingi ya mpasi na kisalu ya bawu samu na Nzambi. Kasi bamambu ya mpasi yina, me lakisa mpe ti bampangi ya beto ya nketo na ya bakala ke na desizion ya kuvanda ya kukangama na Nzambi, mpe ya kubumba bumosi na kati ya bawu.

Mambu ya mpasi ya kulutila nene me katuka na maladi ya coronavirus, yina me natina bantu bamambu ya faso yina nabunu ba kutana na yawu na kati ya bamvula mingi.

Na mbangu nyonso, Batemwe ya Yehova me sala bachanjema na mantwala ya maladi yayi. Ba sosá bafaso ya malu-malu samu na kusala balukutakanu ya bawu, samu na kupesa bampangi ngolo, mpe na kupreche nsangu ya mbote.

Yayi avant goût ya mwa ‘barapor ya mbote’ yina beto me zwa samu na mvula yayi.—Bingana (Proverbes) 15:30.

Na kati ya servise ya mvula 2020, organizasion ya beto me basisa Les Saintes Écritures. Traduction du monde nouveau nyonso to bitini ya yawu na bandinga 36. Samu na misiku yina ba me tula na yina me tadila coronavirus, babiblia mingi me basika na format eletronique na lukutakanu yina lutá na nzila ya bavideo. Ntangu yayi, Traduction du monde nouveau nyonso to bitini ya yawu ke disponible na bandinga 193.

Kubanda kilumbu ya 18 Mars 2020, bampangi ya Kimvuka ya Bantwadisi ke na sadilá bavideo speciale na nzila jw.org mpe na JW Library samu na kuzonzila bamambu nyonso yina ke na salamá na kati ya maladi yayi.

Na video ya ntete, mpangi Stephen Lett zonzá ti maladi yayi me nata basusi, ya ke na lakisá pwelele ti, “beto ke na zingá na kitini ya nsuka ya bilumbu ya mansukina. Ntembe ve, kitini ya nsuka ya kitini ya nsuka ya bilumbu ya mansukina!”

Ata ti bantangu yayi ke na natiná bantu basusi ya kulutila, mpangi Lett zonzá: “Beto ke ve na nsatu ya kuvanda na panike, samu beto ke bisadi ya Yehova.”

Na kati ya mosi na mosi ya bavideo yango, ya ke na barapor yina me katuka na yinza nyonso samu na kupesa beto ngolo. Barapor yayi ke na lakisá beto bambote ya kulanda misiku yina ke katuká na Kimvuka ya Bantwadisi. Na babwala mingi, ba-otorite pesá bampangi ya beto nkembo na faso ba yidiká bamambu na mbangu nyonso, samu na kubumba nzutu mpe kukipe bampangi samu na maladi yayi.

Na kati ya bamvula mingi, Batemwe ya Yehova ke salá fete ya madya ya Mfumu (repas du Seigneur). Na mvula yayi, na bisika mingi, kuvukana na bampangi ya beto me vanda ve possible, samu na misiku yina ba-otorite me tula na yina me tadila maladi. Na bamwala mingi, bafamiye to ba yina ke vandá bawu mosi vandá me lamba bawu mosi dimpa ya memorial mpe sumbá vinu, mpe landá diskur ya memorial na nzila ya videoconference.

Na bisika ya nkaka, ya vandá ve possible na kusala videoconference. Ni mambu yina kutaná bafilial 11 na Afrike. Bafilial yango salá nyonso samu programe ya memorial luta na tele mpe na radio. Faso ya kusala yina sadisá baproklamatere kuluta 407 000 na kuwa programe yina, ata ba zabá ve nombre ya ba-invite nyonso yina landá programe yango.

Kimvuka ya Bantwadisi pesá nzila na bafilial ya nkaka na kulutisa balukutakanu ya kimvuka na tele mpe na radio, kaka faso ba salak’ yawu samu na memorial. Na faso yina, baproklamatere ya babwala yina internet ke mpasi, lendá kulanda balukutakanu ya kimvuka na tele mpe na radio. Na ntangu yayi, bafilial 23, ya Afrike, ya Europe, ya Amerike ya Nord mpe ya Amerike ya Sud ke na sadilá bametode yayi.

Samu na maladi ya coronavirus yayi, ya me kuma mpasi na mingi ya bampangi ya beto na kuzwa bima ya kudya to bima ya nkaka yina lenda sadisa bawu. Ba me sala bacomite ya secours kuluta 400 na yinza nyonso, samu na kusadisa baproklamatere yina ke na mpasi ya kuzwa yina ba ke na yawu nsatu na bisika yina ba kele. Na kati ya servise ya mvula 2020, Kimvuka ya Bantwadisa me dima ba basisá mbongo kuluta 9 925 416 000 fcfa to 18 millions de dollars na kati ya maladi ya coronavirus yayi samu na kusadisa baproklamatere kuluta 330 000.

Samu na mbala ya ntete, bampangi ya kento na ya bakala me landa programe ya lukutakanu ya nene na nzila bavideo depuis na bayinzo ya bawu. Ni bampangi ya Kimvuka ya Bantwadisi na ba-asitan ya bawu vandá me sala ba-enregistrement ya badiskur nyonso ya lukutakanu yina. Kisalu yango vandá me salama na bandinga kuluta 500. Programe yango me vanda disponible na jw.org mpe na JW Library samu na baproklamatere, mpe ba yina nyonso yina zolá kulanda programe yina depuis bayinzo ya bawu, na sekurite nyonso.

Na babwala mingi, bampangi ya beto ya nkaka ke na kutaná na bamambu ya mpasi samu na maladi ya coronavirus yayi, mpe ba ke na kontinye kaka kukutana na bankwamusu ya kulutila. Na Russie, na mvula yayi me luta, ba-otorite vandá me fuye bayinzo ya bampangi kuluta 100, mpe ba tulá bampangi ya beto ya nkaka yina salá ata kima na boloko. Ntangu yayi, bampangi ya kento na bakala 42 ke na boloko na Russie, mpe bampangi zole yina ba me kondane. Depuis 2017, tribunal ya nene ya bwala ya Russie baká desizion ya kufuye bayinzo kuluta 100 ya bampangi ya beto.

Nombre ya kulutila nene ya Batemwe ya Yehova yina ke na boloko ke ni na Érythrée, ntangu yayi bampangi 52 ke na boloko kuna. Na kati ya bawu ke na mpangi Paulos Eyasu, mpangi Isaac Mogos, mpe mpangi Negede Teklemariam, yina ke na boloko depuis kilumbu ya 17 Septembre 1994 samu ba mangá kukuma bamilitere (objection de conscience au service militaire). Dyaka, bampangi 26 ya nkaka ke na boloko bamvula 10 me lunga deja.

Beto ke kontinye kusambila samu na bampangi ya beto nyonso yina ke na baboloko, samu ba kontinye kuvanda na ngolo. Beto zaba ti ba ke na salá nyonso samu na kuvanda ngolo ata bamambu yayi ke na talisá bawu mpasi.—Luzabusu 2:10.

Na servise ya mvula yayi me luta, batemwe ya yinza nyonso me lakisa kiminu ya bawu na Yehova na faso ya bawu ya kusadila bametode ya malu-malu na predikasion, na faso ba me pesa bampangi ngolo, mpe na faso yina ba me landa misiku yina katuká Kimvuka ya Bantwadisi, mpe yina ba-otorite vandá me pesa.

Na nyonso ba me sala, bampangi ya beto ya nketo na ya bakala me lakisa luzolo ya bawu samu na muntu yina yidiká bawu. Mpe kiminu ya bawu ke sadisa bawu na kulemba ve na mantwala ya bampasi ya nene.—Zaki 1:2, 3.