Bamilion ya batemwe ya Yehova, mpe ba yina nyonso ke longoká Biblia na beto, ke vukana na kilumbu ya 7 Avril 2020, samu na lukutakanu yina me lutila mfunu: Memorial ya lufwa ya Yesu. Kasi samu na maladi ya yimbi ya Coronavirus, lukutakanu yayi ke vanda ve faso mosi na yina lutá. Bimvuka mingi ke landa yawu na nzila ya videoconference.

Samu na maladi ya yimbi ya coronavirus, na babwala mingi baguvernema me nimina bantu na kuvukana na bagrupe. Ni na yina bimvuka mingi na yinza nyonso, ke na salá balukutakanu ya semaine na videoconference. Mpe ba ke sala faso mosi, na kilumbu ya Memorial ya lufwa ya Yesu. Mpe ya ke vanda na video yina ba ke tula samu na bantu nyonso na jw.org.

Samu na mvula yina me luta, bantu kuluta 20 million, vandá na Memorial ya lufwa ya Yesu. Beto ke na sambilá samu na mvula yayi, bantu mingi lenda kulanda lukutakanu yayi, na nzila ya videoconference, na telefone, to na bavideo yina beto ke tula na site internet jw.org.

Na babwala mingi, maladi ya yimbi yayi ke na mwanganá mpe ke na tulá luzingu ya bantu mingi na danger. Beto me lunga kulanda bamambu yina bamfumu to baguvernema me zonza samu na maladi ya yimbi yayi, samu beto bumba sante ya beto na ya bampangi ya beto tii maladi yayi ke luta. Na nyonso, beto ke na confianse na Yehova, mpe na ngolo yina yandi ke na pesá beto. Mpe beto me baka desizion ya kulanda mambu yina Yesu zonzá: “Beno landa kusala yawu samu na kubambukila munu moyo.”—Luke 22:19.