Kilumbu 2 Septembre 2020, * na tribunale ya Berezovsky na région ya Kemerovo

Bamvula 6 na ndambu na boloko

Sergey Britvin

• Butuká: Na 1965 (na région ya Kemerovo)

• Disolo ya luzingu ya yandi: Yandi lutisá bamvula mingi na kisalu ya kichofere ya ba-poid lourd. Yandi kuzwá retrete na mbangu samu sante vandá kwamisa yandi. Yandi ke zolá mingi sport

• Na 1992, Yandi kwelá Natalya. Yandi bandá kulongoka Biblia na 1995 ntangu yandi kwizá zaba ti Nzambi ke vutula bantu ya kufwa na luzingu. Bamvula mingi na mantwala, nketo ya yandi Natalya kwizá ndima kulongoka Biblia. Samu yandi talá bachanjema yina bakala ya yandi Britvin salá

Vadim Levchuk

• Butuká: na 1972 (na région ya Kemerovo)

• Disolo ya luzingu ya yandi: Yandi kulá na famiye mosi yina vandá sambilá ve. Yandi lutisá bamvula 14 na kati ya kisalu ya ba-mine

• Na 1992, yandi bandá kulongoka Biblia. Yandi kwelá Tatiana na 1997. Ba ke na bana zole ya babakala. Famiye ya bawu nyonso ke landá misiku ya Biblia. Ba ke sepela mpe kusala sport mpe na mwa bima mingi ya nkaka

Na kilumbu ya 22 Juillet 2018, ba-agent ya Service Fédéral ya Sécurité (FSB) piyeke bayinzo 8 ya bampangi ya beto, na Berezovsky. Ba simbá mpangi Britvin na mpangi Levchuk mpe ba yufula bawu bakestion. Na manima ya mambu yayi, tribunale central ya district ya Kemerovo pesá ordre samu ba tula bampangi ya beto zole yayi na garde à vue. Kasi ba lutisá mvula mosi na ndambu kuna. Na kilumbu ya 25 Décembre 2019, ba filisá bampangi ya beto na maison d’arrêt, kisika yina ba kele tii bubu yayi.

Mpangi Britvin na mpangi Levchuk ke na kati ya bampangi 5 yina région ya Kemerovo ke na zonzá ti ba me sala krime samu ba ke Batemwe ya Yehova. Beto ke na kanisá mingi na yawu mpe ke na sambilá mingi samu na bampangi ya beto ya nketo na ya bakala yina ke na baboloko na bwala ya Russie. Mpe faso ke na rapeleke beto yawu Baebre 13: “Beno kanisa [na] bantu yina ke na boloko, faso beno ke na boloko na bawu, mpe [na] ba yina ba ke na talisa mpasi, samu beno mosi mpe beno ke na [banzutu].”