Biblia na bunkufi
Biblia ke buku yina ba me basisa kulutila babuku nyonso na yinza, mpe bantu mingi ke zolak’ yawu. Kasi ntangu ya nkaka nge lenda sosa kuzaba yinki buku ya kuzabana yayi ke zonzilaka.
Mukanda La Bible : quel est son message? ke zonzilá Biblia na bunkufi. Ya ke sadisa nge na kuzaba mambu yina Biblia ke zonzaka. Mukanda yayi ke lakisá na bunkufi bamambu yina ke na kati ya Biblia, banda na buku ya Kubanda (Genèse) yina ke zonzilá faso luzingu bandaka, tii na buku ya Luzabusu yina ke zonzilá kivuvu ya kitoko yina beto ke na yawu samu na bilumbu ya mantwala. Na kati ya mukanda yayi, nge ke tala na wapi ntangu bamambu ya mfunu yina Biblia ke zonzilaka salamaka. Ya ke mpe na bizizi ya kitoko, mpe byuvu yina lenda pesa nge nsatu ya kusosa kuzaba.
Tanga La Bible : quel est son message? Na nzila ya internet.
Beno tala mpe...
BIMA YINA KE SADISAKA NA KULONGOKA BIBLIA
Dikanisi ya Biblia ya kilumbu
Longoka dibuku ya Nzambi kilumbu ni kilumbu ke mutindu mukanda yina bantu yina ke sambilá ke tangá konso kilumbu. Ya ke pesá bilumbu nyonso verse mosi ya Biblia na dikanisi yina ke zonzilak’ yawu.
BIMA YINA KE SADISAKA NA KULONGOKA BIBLIA
Buku yina ke zonzilá bamambu mingi ya Biblia
Étude perspicace des Écritures ke zonzilá bima mingi. Bima yango ke tadilá bantu, bisika, bayinti, bibulu, bamambu ya mfunu yina salamá, mpe nzonzolo yina Biblia ke sadilaka. Buku yina nge lenda baka na internet ke na bakarti ya bisika, bafoto, bizizi, mpe kisika yina ba ke lakisá milonga ya bamambu na baverse yina ke zonzilá na buku.
BIMA YINA KE SADISAKA NA KULONGOKA BIBLIA
Mukanda yina ke lakisá bisika yina Biblia ke zonzilaka
Mukanda “ Voyez le bon pays ” ke na bakarti mpe bizizi yina ke lakisá bisika mingi yina Biblia ke zonzilaka, mingi-mingi bakarti yina ke lakisá ntoto ya nsilulu na kati ya bantangu mingi.