Biblia ke lakisá pwelele ti ve. Bampasi vandá ve dikanisi ya Nzambi. Kasi, kento na bakala ya ntete mangá Nzambi twadisa bawu. Ba baká mukanu ya kutula bawu mosi misiku na yina me tadila mambu ya yimbi mpe ya mbote. Ba balulaka Nzambi mukongo, mpe ya natinaka bawu bampasi.

 Bubu yayi beto ke na talá bampasi samu na mukanu ya yimbi yina ba bakaka. Bampasi ya beto ke katukaka ata fioti ve na Nzambi.

 Biblia ke zonzaka: ‘Ntangu bantontolo ke kuminaka muntu, yandi bika kutuba: “Nzambi ke na kutonta munu.” Mambu ya yimbi lenda kutonta Nzambi ve, mpe Nzambi lenda kutonta muntu ve.’ (Zaki 1:13) Mpasi lenda kumina muntu nyonso, ata ba yina Nzambi ke ndimaka.