Bantu mingi ke zonzá ti beto lenda zaba ve mbote-mbote banani soniká Biblia. kasi Biblia ke zonzá pwelele banani soniká bamambu yina ke na kati ya yawu. Bitini ya nkaka ke bandá na zonzolo mutindu “ndinga to bamambu zonzá Nehemi,” “kimona meso ya Izaya,” mpe “ndinga ya Yehova yina kwizilá Yoele.”—Nehemi 1:1; Izaya 1:1; Yoele 1:1.

 Mingi ya ba yina soniká Biblia ndimá ti Yehova twadisá bawu samu ba sonika Biblia na nkumbu ya yandi, Nzambi ya tsyeleka. Bambikudi yina soniká kitini ya hébreu zonzá bambala kuluta 300: ‘Yehova me tuba ti.’ (Amosi 1:3; Mika 2:3; Nahumi 1:12) Ba ya nkaka kuwá ndinga ya Nzambi na nzila ya bambazi.—Zakari 1:7, 9.

 Bantu 40 soniká Biblia mpe ya baká bamvula 1 600 na kusonika yawu. Na kati ya bawu, ya ke na ba yina soniká babuku mingi ya Biblia. Biblia ke na babuku 66 ya fioti. Na ndinga ya hébreu ba soniká babuku 39, yina bantu mingi ke bokilá ancien testament, mpe babuku 27 na ndinga ya grec yina bantu mingi ke bokilá nouveau testament.