Biblia ke niminá beto na kudya menga. Na yawu, beto me bonga ve kundima menga to bitini ya yawu na bafaso nyonso, ya vanda na kudya to kubwela na nzutu. Beto tala yinki Biblia ke zonzaka:

•   Kubanda 9:4. Na manima ya mvula ya nene yina salamá na ntangu ya Noa, Nzambi zonzá na Noa mpe na dikanda ya yandi na kudya bibulu, kasi yandi niminá bawu na kudya menga. Nzambi zonzá na Noa: ‘Kaka musuni na luzingu ya yawu—menga ya yawu—beno fwana kudya yawu ve.’ Musiku yayi me tadila bantu nyonso na yinza samu ti beto nyonso ke mitekolo ya Noa.

•   Balevi 17:14. ‘Beno fwana kudya ve menga ya konso musuni yina ke zingaka samu luzingu ya konso musuni yina ke zingaka kele menga ya yawu. Konso muntu yina ke kudya yawu, ba fwana kufwa yandi.’ Samu na Nzambi luzingu ke na kati ya menga, ni yandi ke ya kuzwa yawu. Ya ke na lakisá ti kudya ve menga ke musiku ya mfunu mingi na meso ya Nzambi, Ata ti yandi pesá musiku yayi kaka na bana Israel.

•   Bisalu 15:20. ‘Kumanga . . . mpe menga.’ Nzambi pesá na Bakristo musiku yina yandi pesá na Noa. Masolo ke lakisá ti Bakristo ya ntete mangá kudya menga to kusosa kusadila yawu mutindu manganga.

Samu na yinki Nzambi ke lombá beto na kumanga menga?

 Na bimbevo ya nkaka, kubwela menga ke natá bamambu ya mpasi na nzutu. Kasi ya kulutila mfunu ke ti, Nzambi ke lombá beto na kumanga menga samu ti ya ke santu na meso ya yandi.—Balevi 17:11; Bakolose 1:20.