Mukembo ya paki me katuka ve na Biblia. Kana beto sosa kuzaba kisika yina ya katuká, beto ke tala ti ya katuká na bansalulu ya ntama yina bakoko vandá salá na yina me tadila mabuta. Beto tala bamambu yina ke salamá na mukembo ya paki.

1.   Ba lièvre na ba lapin: Bibulu zole yayi ke bifwani ya mabuta.Ya katuká na bansalulu yina bantu ya moyen-orient na ya Europe vandá salá na mikembo ya ngonda ya mars tii na juin (printemps).​—Encyclopædia Britannica

2.   Ba meki: Buku mosi ke zonzá ti kusosa ba meki (ya lenda vanda ti bantu ke kanisa ni lapin ya paki muntu ke bikak’ yawu) “ke ve kaka kusakana ya bana ya fioti kasi ya ke bansalulu samu na mabuta.” Bantu ya nkaka ke kanisá ti ba meki ya mukembo ya paki ke natiná bawu “kilengi, bivwama, mavimpi mpe lukengolo.”​—mukembo ya bukoko ya ntama (Anglais).

3.   Bilele ya malu-malu: “Ya vandá ve buzitu na muntu yina ke ve na bilele ya malu-malu na kupesa mbote na nzambi ya ngonda ya mars tii na juin, Eastre. Pamba ve mambu ya yimbi zolá kumina yandi.”—Buku ya nene ya bunganga (Anglais).

4.   Mambu yina ba vandá salá na kubasika ya ntangu: Mambu yango katuká na bansalulu ya ntama ya ba yina vandá sambila ntangu “na kubanda ya ngonda ya mars tii na juin, samu na kuyamba ntangu mpe ngolo yina ya ke pesá na bima nyonso samu ya kuzwa luzingu ya malu-malu.”—Buku ya nene ya mikembo na états unis (Anglais).

5.   Nkumbu ya yawu na bandinga ya nkaka: Nkumbu ya mukembo ya Paki na lumputu ke talaná mutindu ya ke kaka mukembo yina bakristo ya juif vandá salá na ntama. Kasi buku mosi ( le livre des superstitions. Mythes, croyances et legendes) ke zonzá ti: “bansalulu ya mukembo ya Paki me katuka na mabuundu ya luvunu: Eastre, nzambi ya ngonda ya mars tii na juin mpe ya mabuta na Angleterre, ni yandi pesá nkumbu Easter (mutindu ba ke bokilá Paki na Anglais).” Bantu ya nkaka ke fwanisá nkumbu yango na nkumbu ya Astarté nzambi ya mabuta ya ba phénicien yina bantu ya bwala ya babilone ke bokilá Ishtar.

 Buku ya nkaka (The American book of Days) ke lakisá mbote-mbote kisika yina mukembo ya Paki katuká, ya ke zonzá: “ntembe ve mabuundu baká bansalulu ya mikembo ya mabuundu ya luvunu mpe kumisak’ yawu mutindu mukembo ya bakristo”.

 Biblia ke zonzá ti ntangu beto ke sambilá Nzambi, beto me lunga ve kulanda to kusalá bamambu yina ke sepelisá ve yandi. (Marke 7:6-8) 2 Bakorinto 6:17 Yehova me zonza: “‘Ni na yawu beno basika na kati ya bawu mpe beno vanda ntama na bawu, beno kusimba dyaka ve kima ya mvindu.’” Mukembo ya Paki ke mukembo ya mabuundu ya luvunu. Na yawu bantu yina ke zolá kusepelisa Nzambi me lunga kumanga yawu.