Muntu yidiká beto tulá misiku na yina me tadila makwela tekila bamfumu ya yinza zonzila yawu to sadila yawu. Buku ya ntete ya Biblia ke zonzá: ‘Bakala ke bika tata ya yandi na mama ya yandi ke kangama na kento ya yandi mpe ba ke kuma musuni mosi.’ (Kubanda 2:24) Na yina me tadila dictionnaire mosi ya Biblia mpova yina ke na hébreu “kento,” zola zonza “muntu yina ke kento” (Vine’s Expository Dictionary of Biblical Words.Yesu zonzá ti ba yina ke ya kukwelana zolá vanda “bakala na kento.”—Matayi 19:4.

 Na yawu, Nzambi zolá ti dikwela vanda ntangu nyonso mpe buzitu na kisika ya bakala na ya kento. Ba yidiká bakala na kento samu ba salasana samu ti ba lenda lungisa bansatu ya bawu, kulakisa luzolo, kuvuukisa nzutu mpe kubuta bana.