Kizunu ke vanda na zulu ya ntoto, ya ke ve bangolo ya bantu ke sala ti ya vanda, kasi ni Kimfumu ya Nzambi, Kimfumu ya mazulu yina Yesu kristo ke mfumu ke nata kizunu na zulu ya ntoto. Beto tala faso Biblia ke na zonzilá kivuvu yango.

1.   Nzambi ʻke sukisa bamvita na ntoto nyonso,ʼ samu yandi lungisa nsilulu ya kunata “kizunu na ntoto na ba yina ke sepelisaka yandi!”—Nkunga 46:9; Luke 2:14, NM.

2.   Kimfumu ya Nzambi ke yala na mazulu tii na ntoto nyonso. (Danyele 7:14) Kimfumu yango, ke kwiza katula ba yina nyonso ke na natá bamvita awa na zulu ya ntoto.

3.   Yesu, mfumu ya kimfumu ya Nzambi, yina ba ke bokilá mpe ‘Mfumu ya Kizunu,’ ke sala ti ʻkizunu kukondwa nsuka.ʼ—Izaya 9:6, 7.

4.   Bantu yina ke ya kukangama na kifu ya kunwana ke zinga ve na kimfumu ya Nzambi, samu ti ‘yandi ke mangaka konso muntu yina ke zolaka kunwana’—Nkunga 11:5; Bingana 2:22.

5.   Nzambi ke na longá na bisadi ya yandi faso ya kuzinga na kati ya kizunu. Na yina me tadila bambote ya malongi yango, Biblia ke zonzá: ʻBawu ke kumisa bambele ya bawu ya bamvita bima ya kusadila ntoto mpe bawu ke kumisa makonga ya bawu bakupe-kupe. Dikanda mosi ke nangula ve mbele ya bamvita samu na kunwanisa dikanda ya nkaka, bawu ke longoka mpe diaka ve bamvita. ʼ—Izaya 2:3, 4.

 Bubu yayi bambangi ya Yehova na yinza, ke na longoká faso ya kuvanda na kizunu. (Matayi 5:9) Ata ti beto me katuka ve bisika mosi mpe beto ke vandá na babwala kuluta 230, beto ke mangá kubaka minduki samu na kunwanisa bantu ya nkaka.