Ee. Misiku yiya to 4 ya Biblia lenda sadisa nge na yina me tadila mambu ya mbongo mpe ya bamfuka:

1.   Sonika bima yina nge lenda sumba. ‘Balukanu ya muntu yina ke salaka ngolo ke nataka na kununga, Kasi bantu nyonso yina ke salaka mambu mbangu-mbangu ke suka na bumputu.’ (Bingana 21:5) Beto me bonga kusumba ve bima yina beto ke ve na yawu nsatu. Sonika bima yina nge ke na yawu nsatu​—mbongo yina nge ke sadila​—mpe lungisa yawu.

2.   Sala keba na bamfuka ya kidi-kidi. ‘Mvwama ke yalaka bamputu, mpe muntu yina me defa kele mundongo ya muntu yina defisaka yandi.’ (Bingana 22:7) kana nge ke na lendá ve kufuta mfuka ya nge, solola na muntu yina defisá nge samu na kuyidika to kusosa faso ya nkaka ya kufuta yawu. Kulemba ve. Sadila malongi yayi: ‘kwenda kuluka, mpe bondila mpangi ya nge. Kubika ve ti meso ya nge kulala, to ti bikoba ya meso ya nge kuwa mpongi.’ (Bingana 6:1-5, nwt-MK) Ata ti ya me simba ve mbala ya ntete yina nge me kwenda tala muntu yina defisá nge, kulemba ve na kusala yawu.

3.   Tula mbongo na kisika ya yawu. ‘Muntu yina ke lulaka ke vandaka na nsatu ya ngolo ya kimvwama, Kasi yandi ke zabaka ve ti bumputu ke bula yandi.’ (Bingana 28:22, nwt-MK) Kusosa kubaka bima ya bampangi mpe kutula ntima na bivwama ke sala ti nge vanda dyaka ve na mbongo mpe ke bebisa kiminu ya nge.

4.   Sepela na bima yina ke na nge. “Na yina, kana beto kele na madya mpe bilele, yawu me lunga.” (1 Timote 6:8) Mbongo ke salá ve ti luzingu ya muntu vanda kitoko mpe na kilengi. Bantu yina ke ve na mbongo mingi na yinza, ke na kilengi ya kulutila, samu ba ke na kindiku ya ngolo na Nzambi, dikanda mpe bandiku ya bawu ke zolá bawu.—Bingana 15:17; 1 Piere 5:6, 7.