Na yina me tadila masonoko to disolo ya bamambu yina salamá na luzingu ya Yesu ntumwa Yoane soniká: “Muntu yina ke na kuzabisa beno mambu yayi talaka yawu, mpe kimbangi ya yandi kele ya tsyelika. Yandi zaba ti yandi ke na kuzonza butsyelika, mpe yandi salaka kimbangi yayi samu ti beno mpe kwikila.”—Yoane 19:35.

 Mosi ya bamambu yina ke na natá beto na kudima masonoko to masolo yina ke na kati ya babuku ya Matayi, Marke, Luke, mpe Yoane ke ti, ntangu ba sonikak’ yawu, mingi ya ba yina ba na zonzilá talá bamambu yina salamá ntangu ba vandá ntete na luzingu. Babuku ya nkaka ke zonzá ti ba soniká buku ya Matayi na kubanda ya mvula nana (8) na manima ya lufwa ya Kristo, ya zola zonza pene-pene ya mvula 41N.B. Bantu ya mayela ke zonzá ti ba sonikak’ yawu ngonda mosi na manima ya dati yina, kasi bawu nyonso ke ndimá ti babuku nyonso ya masonoko ya Ngeleke(Grec) ya bakristo ba sonikak’ yawu na siècle ya ntete na ntangu ya beto.

 Bantu yina talá Yesu ntangu yandi vandá awa na ntoto, ba yina talá lufwa mpe kuvumbuka ya yandi ba zolá zonza kana masolo yina ke na kati ya Matayi, Marke, Luke, mpe Yoane ke ya tsyeleka to ve. Ba zolá lakisa bisika yina ba soniká bamambu ya luvunu. Professeur Frederick Bruce zonzá ti: “Mambu ya mfunu ke ti ntangu bantumwa vandá samuna na siècle ya ntete, bantu yina vandá kuwa bawu zabá mpe bamambu yina ba vandá zonza. Bantumwa suká kaka ve na kuzonza ti beto talá bamambu yango. Kasi bawu vandá zonza mpe ti ‘mutindu beno mosi zaba yawu’(Bisalu 2:22).”