Ee, Nzambi ke sadisá ba yina ke lombá na ntima nyonso bima yina ke na kwelaná na mambu yina yandi ke zolaka. Ata ti nge vandá sambilá ve, bifwani ya Biblia ya ba yina sambilá “Nzambi, sadisa munu,” lenda pesa nge bukindi. Na kifwani:

•   ‘O Yehova Nzambi ya munu, sadisa munu; vuukisa munu na luzolo ya nge ya kukwikama.’—Nkunga 109:26, Mbalula na Nsi-Ntoto ya Mpa (nwt-MK).

•   ‘Munu ke muntu ya pamba: O Nzambi, sadisa munu.’—Nkunga 69:6, nwt-MK.

 Ya tsyeleka, muntu yina soniká bamambu yayi vandá na kiminu ya ngolo na Nzambi. Na yawu, Nzambi ke kuwá ba yina ke sambilá yandi na makanisi ya mbote mutindu “bantu yina ke na mawa” to “bantu yina ke ya kuniokwama na mabanza.”—Nkunga 34:18.

 Beto lenda kanisa ti samu Nzambi ke ntama, yandi lenda kipe ve bamambu ya beto, ya pesa ve beto boma. Biblia ke zonzá: ‘Ata Yehova ke ya tsyeleka na zulu, yandi ke talaka muntu ya kukuluka, kasi yandi ke zabaka muntu ya lulendo kaka na ntama’. (Nkunga 138:6) Kilumbu mosi Yesu zonzá na bilandi ya yandi: “kasi na yina me tadila beno, ata basunki ya beno ya yintu, Nzambi zaba lutangu ya yawu.” (Matayi 10:30) Nzambi ke talá bima ya fioti-fioti yina nge ke talá ve. Na yawu yandi ke kuwá nge kana nge sambila yandi samu yandi sadisa nge ntangu nge ke na manyongo!—1 Piere 5:7.